鍾菜館

营业中

休息中

数码港停车场多充电位，泊车又有优惠。所以假日泊好架车去钟菜馆叹下茶都系一件乐事。钟菜馆环境古色古香，座位阔落，唔会好似一般酒楼咁人多就会好嘈。平日食饭时间比较多人外，假日会疏落啲。座位旁边放置左个自动冲茶机，有加水、煲水功能，扫描QR码就可以自助点餐，所以基本上咩都自己嚟，唔需要客服。我好少饮普洱，因为好多酒楼𠮶啲都会好苦涩。但呢度啲普洱反而我好钟意饮，唔涩，有茶味。点心如牛肉球内有马蹄，食落爽口；黑毛猪叉烧肠啲叉烧好味，但如果个粉皮薄啲更好。大部分点心都整得唔错，价钱唔太贵。陈皮炒河粉就觉得又贵又唔值，无肉，可能贵在啲陈皮丝，不过食到啲系陈皮嘅苦味而唔系甘味。鸡白杏仁茶就好正，好香杏仁味，甜味适中。整体嚟讲呢度系中午叹茶嘅好地方。