德豐打冷粉麵餐廳

营业中

休息中

同朋友去左深水埗买D电脑野，依度真系好多野买，睇埋相机野，跟住就揾野食啦！今次去左德丰粉面，睇门口都似有打冷，一于会一会佢！环境唔错，佢食物都相当不错！首先讲下个蚝仔粥一窝，热辣辣好正，蚝仔都好鲜嫩同每粒都胀卜卜，潮州粥蚝仔粥加方鱼最好食！净鱼蛋入面仲有唔少鱼片，鱼蛋爽口弹牙，鱼片都好爽！鱼味够，仲有几条菜食下！至于佢个卤水鹅片，鹅胸啖啖肉，正！好入味，口腔里面渐渐渗出鹅味，唔会太咸，不错！朋友仲觉得一碟唔够，再叫多碟鹅件！再黎就系糖醋面，煎到好香口，面饼好好食，钟意糖醋面嘅朋友一定要黎试！潮州菜其实都系一种好高级嘅享受，性价比都几高，等我再约其他人食先！