甜蜜蜜甜品專門店 (已結業)

去「Our Wonderland」食饭之前, 逛咗一阵街, 路过厚福街时, 见到呢间「甜蜜蜜甜品专门店」门口贴满晒「甜姐儿」嘅海报, 所以就提议大家o黎呢度食饭后甜品...9点松D去到, 要等4张枱, 都唔算多㖞... 等咗一阵间就入得, 居然仲有靠墙位置坐, 正!!!如果坐门口位置会比较迫D啰...4个人Share 3个甜品...迷你大堆头--居然用IKEA胶饭碗上, 望到都有少少反胃... 食落味道还可以, 龙妈话好食过B仔...炸香芒春卷伴芒果沙巴翁--上枱时, WOW WOW声... 造型100分!!! 虽然话系春卷, 不过唔脆, 淋淋地... 芒果馅劲甜, 我地估加咗好多糖, 因为芒果味唔出... 个芒果沙巴翁唔蘸会好D, 蘸埋会好腻...焗酥皮豆腐花伴朱古力汁--全餐最败笔之作!!! 仲要等咗30分钟先有得食!!! 酥皮一般酥, D豆腐花整到碎湿湿咁, 个朱古力汁又稀NEL NEL同个豆腐花好唔夹, 个酥皮就更加同豆腐花冇计倾...松人时, 门口已经迫满晒人...都唔系咁好食啫, 又贵, 都唔知点解会咁多人...之前睇电视晚晚睇到流晒口水, 仲以为样样都好好味, 原来只系咁