山喬居酒屋

营业中

休息中

电车比地铁慢，但可以随电车嘅慢节奏，由喧闹嘅筲箕湾，途经世界金融中心嘅中环，去到老香港嘅坚尼地城。电车除咗海岸线嘅路段之外，跑马地更加系电车独市经营嘅铁路路线。所以今日坐电车嚟到跑马地，嚟到呢间极具和式风情嘅山乔居酒屋，开启我哋嘅电车美食地图。串烧作为一间居酒屋，当然要叫串烧啦！串烧选择非常多，我哋就叫咗芦笋豚肉串、鸡肾、鸡软骨。爽口嘅鸡肾同鸡软骨系我哋嘅大爱，店主用咗少少盐调味，咸香加上焦香，非常惹味！清酒广岛蚝蚝身饱满鲜甜，以香醇嘅清酒提味，一啲都唔苦，比例啱啱好！三文鱼鲛三文鱼饺劲多肉，而且啖啖肉，完全无骨！近绞位仲要劲滑，加上鱼皮烧到咸香脆口，钟意食三文鱼嘅真系唔可以错过。银雪鱼西京烧定食山乔居酒屋嘅午市定食非常抵食，提供15款主菜选择，加上前菜、面豉汤及饮品，非常丰富。其中银雪鱼西京烧真系无得输嘅选择！银雪鱼非常香滑，油香丰富，加上西京烧酱汁，啱晒送饭啦！北海道三色丼钟意食鱼生、刺身、寿司，午市定食都有。呢个北海道三色丼非常丰富，三文鱼籽涨卜卜，超鲜甜；但最惊艳当然系大大只嘅赤虾，虾肉非常鲜甜，劲多虾膏，非常满足。