本味食堂 (已結業)

想试下马鞍山新黄店，见呢间既review唔错就去食下。我地两个大约7点入座，附近有几间餐厅排长龙，呢间得三四个人食紧，心入面已经觉得不妙，不过试左先算啦。店员算有善，可以任拣位座。点菜系用marker画喺menu胶板上，不过枱面有成10支marker，冇一支有色....可能胶板俾人画/擦左太多次上唔色，但点个菜都搞到我地一头烟。我地两个都点左猪红，但落单后侍应番来话冇猪红，有d失望。有野卖哂可以一座低同个客讲左先嘛，搞到我地又要大战marker落单...之后冇野做周围望，发现间野卫生好有问题。地板污糟，地下d墙花哂又有污渍，枱面除左污渍外仲有不明既黑色一点点，我好惊系小强屎...之后上左饮品，用纸杯装住，杯边痴左粒更加似小强屎既物体，同时间听到隔离枱都话杯饮品有野，要侍应换左佢🤢我已经冇哂食欲，但因为好肚饿所以但求快d食完走人。之后上左碗车仔面，虽然我好少食车仔面，但佢个汤底同配料既质素我只可以用“能够果腹”黎形容。两个人食完要成150，咁既质素环境我去食大快活好过...另外一样我个人好唔中意既野系，真。系。好。唔。环。保！！！openrice review d 相见到用正常餐具，但我