倆口小吃 (已結業)

平日下午一点几开始排队，以为前面得几个人好快排到，点知一等就等咗一个钟，除咗排队等落单之外，仲要等食物即叫即整，排到落单嘅时候先知好多款已经停售/售罄，但舖头告示嘅资讯实在太唔统一，建议墙上嘅menu都贴啲label话俾排紧队嘅人知仲有咩款可以拣。传统刈包加柚子酱 $42- 卤肉有少少令人失望，睇图以为系厚切卤肉，原来系切四、五片上，肥肉多- 花生碎混合咗柚子酱，涂满成个刈包，配撘卤肉系几清新嘅，但食到最后就嫌酱料太多- 整体份量中规中矩，如果唔驶等咁耐，会回购抹茶忌廉芝士压饼 $35- 份量足，皮薄，内馅系满满嘅抹茶忌廉芝士- 对于一个抹茶控嚟讲，抹茶嘅浓度未系话好满足，食落好似出面面包舖嘅抹茶芝士挞内馅一样，唔太突出，但如果唔系追求抹茶回甘果种，就会觉得几易入口都系果句，值唔值得排咁耐去试，就真系见仁见智喇。