影片
更多
2019-03-10
34 浏览
好耐冇食过韩国菜，因为大部分韩国餐厅既菜式都好相似，已经无咩新鲜感，但当见到呢间餐厅既熔岩Pizza，就俾佢吸引左😍好特别！！店舖细细间，里面嘅员工都系韩国人，仲有年轻嘅OPPA添。呢度全部员工都好友善，笑容满面！ 除咗熔岩Pizza比较出名之外其实餐牌内食物种类选择都非常多，亦都比较少见，系偏向带美式风既fusion韩国菜。 因为天气冻所以我哋嗌左个汤暖暖先。《韩国泡菜豆腐汤》$128 好多泡菜同其他蔬菜，仲食到五花肉添。 汤底嘅泡菜味再浓啲就更好，而辣度就恰好。呢度嘅豆腐较厚身同大片，同以往食过嘅切粒唔同，好柔滑有弹性，唔会一夹就碎👍🏻《韩式酱牛肉韭菜煎饼》$158呢个整体份量都几多，但略嫌牛肉较少，不过用上韩式BBQ酱十分惹味。煎饼口感不错，好软糯，唔会有好粉既感觉，而且唔算油腻👍🏻外皮微焦，食落香脆可口。不过建议大家唔好一下子倒太多酱汁，否则会变到好咸。《五花肉熔岩pizza》$198真系超多超多芝士，拉丝效果好震撼😍芝士控不能错过呀！pizza面团非常软熟有弹性，好好味！不过五花肉份量较少，酱汁都有少少偏甜，但整体系好值得食！！ 呢度食物味道好唔错，仲有友善既op
店舖细细间，里面嘅员工都系韩国人，仲有年轻嘅OPPA添。呢度全部员工都好友善，笑容满面！
除咗熔岩Pizza比较出名之外其实餐牌内食物种类选择都非常多，亦都比较少见，系偏向带美式风既fusion韩国菜。
因为天气冻所以我哋嗌左个汤暖暖先。
《韩国泡菜豆腐汤》$128
好多泡菜同其他蔬菜，仲食到五花肉添。 汤底嘅泡菜味再浓啲就更好，而辣度就恰好。呢度嘅豆腐较厚身同大片，同以往食过嘅切粒唔同，好柔滑有弹性，唔会一夹就碎👍🏻
《韩式酱牛肉韭菜煎饼》$158
呢个整体份量都几多，但略嫌牛肉较少，不过用上韩式BBQ酱十分惹味。煎饼口感不错，好软糯，唔会有好粉既感觉，而且唔算油腻👍🏻外皮微焦，食落香脆可口。不过建议大家唔好一下子倒太多酱汁，否则会变到好咸。
《五花肉熔岩pizza》$198
真系超多超多芝士，拉丝效果好震撼😍芝士控不能错过呀！pizza面团非常软熟有弹性，好好味！不过五花肉份量较少，酱汁都有少少偏甜，但整体系好值得食！！
呢度食物味道好唔错，仲有友善既oppa服务，我同朋友都表示好满意！
张贴
