影片
更多
2021-12-08
244 浏览
星期日行完山，终点系山顶，入夜开始有d寒意，所以想买杯嘢暖下肚。见到呢间铺好多人，又未试过，就谂住凑下热闹。 点知真系"一试难忘"！入到去条龙都几长下，排咗一阵突然之间听到收银有好大噪音，仲嘈过啲人声。原来系有个staff用发泄式掟收银机的动作，喺度埋数。 我见到都惊一惊，佢好似控制唔到自己情绪咁。😨然后到我order的时候，我就拎起台面个menu，企系原地回头confirm朋友的选择，只系几秒的时间。谁不知那位制造噪音的staff突然凌厉高声呼喝我放低个menu！我尝试同佢解释因为menu反光所以我先拎来睇，但佢不断用唔咸唔淡嘅普通话呼喝我，完全听唔到我讲嘅系广东话。😰 佢咁嘅精神状态令我觉得好唔妥，佢根本冇办法接收正常言语的沟通，所以我冇再嘥时间理佢。 而且我面前嘅收银员 俾左我一个"你懂的”嘅眼神,我立即回佢一个”我明白"嘅微笑，继续我嘅order。其实我目的只不过系行完山后，想买杯嘢饮暖下肚，唔洗对我恶言相向。喺我等候饮品期间，留意到呢位制造噪音嘅staff(粉红染发), 身上挂住店长的名牌， 著实令我惊讶！ 佢嘅行为表现，完全唔符合佢嘅职衔。 在位高者，理应系解决问题，而唔系
入到去条龙都几长下，排咗一阵突然之间听到收银有好大噪音，仲嘈过啲人声。原来系有个staff用发泄式掟收银机的动作，喺度埋数。 我见到都惊一惊，佢好似控制唔到自己情绪咁。😨
然后到我order的时候，我就拎起台面个menu，企系原地回头confirm朋友的选择，只系几秒的时间。谁不知那位制造噪音的staff突然凌厉高声呼喝我放低个menu！我尝试同佢解释因为menu反光所以我先拎来睇，但佢不断用唔咸唔淡嘅普通话呼喝我，完全听唔到我讲嘅系广东话。😰 佢咁嘅精神状态令我觉得好唔妥，佢根本冇办法接收正常言语的沟通，所以我冇再嘥时间理佢。
而且我面前嘅收银员 俾左我一个"你懂的”嘅眼神,我立即回佢一个”我明白"嘅微笑，继续我嘅order。其实我目的只不过系行完山后，想买杯嘢饮暖下肚，唔洗对我恶言相向。
喺我等候饮品期间，留意到呢位制造噪音嘅staff(粉红染发), 身上挂住店长的名牌， 著实令我惊讶！ 佢嘅行为表现，完全唔符合佢嘅职衔。 在位高者，理应系解决问题，而唔系制造更多嘅问题。 我建议资方应该定期评估员工的精神情绪，从而判断员工是否适合前线对客工作。决定得喺山顶插旗开店，某部分都肩负咗宣扬香港嘅责任。 唔好因为不胜任嘅员工，而影响其他人对香港嘅印象。
讲返杯茶，我叫咗杯芝士茉莉毛尖热茶。 开头仲担心芝士同热茶唔太夹，但饮落都ok。 佢哋嘅芝士奶盖比较薄，质感欠奉 。 对比起来，喜茶嘅芝士奶盖厚好多，质感绵密。
今次系第一次帮衬，应该都系最后一次。👎
张贴