高興+ (已結業)

放假傍晚时间和女朋友谂住早d食嘢，系北角附近揾嘢食，去了「高兴+」呢间餐厅。店员好好礼貌咁带我地坐低，呢度都几舒服，座位几阔落。摩洛哥鸡肉沙律沙律非常丰富，有红菜头，甜南瓜粒，果仁，干果等，个鸡肉轻轻烤过，食落唔会好柴，好健康ge沙律，好适合女士食。我地点了高兴鸡中翼配牛油果酱鸡翼个味道调得几好，好似水牛城鸡翼ge味道，而且烤得好香口，配个牛油果酱同埋酸忌廉酱，我自己就钟意加dd辣椒仔辣汁落去，再点牛油果酱食，更加有风味。番茄酱鱿鱼义大利饭义大利饭煮得啱啱好，唔会好硬，有返距个口感系度，番茄酱好香，d鱿鱼都好好味，几特别。食物种类都几多，餐厅唔错。