影片
更多
2015-10-11
700 浏览
是日同朋友们返完教会后就黎到开张无耐既「霜月」一试。餐厅位于铜锣湾霎东街OLIV既24楼，地铁站行过去都只不过系2分钟，环境寛躺优雅，装潢都相当日式。坐低之后侍应好快就为我地端上热茶，我地亦都好快落左单。每个是日午餐都会包一个沙律，一个蒸蛋，一个味噌汤同埋一个甜品既。沙律菜好新鲜同爽脆，除左加左胡麻酱之外，仲加左少少饭素，味道好特别，我都系第一次咁样食，至于酱汁比例适中，令人好开胃。味噌汤味道唔会过重，可惜汤料相对较少，建议加多少少豆腐同海带。日式蒸蛋有别于平时食到果D，呢到既蒸蛋内有蟹肉，虾肉同鱿鱼，口感非常滑溜，值得推介。吞拿鱼腩日本海胆丼: 吞拿鱼腩新鲜而唔腻，海胆油油甘香，软滑甘甜而肥美，弹出鲜咸香味，加埋又大又厚既玉子，配上日本珍珠米煲出黎既饭，点上少少Wasabi同豉油，真系令人一试难忘。北海道丼:所谓既北海道丼，除左系由上面已经提及过既海胆，玉子，同埋日本珍珠米煲出黎既饭整食之外，仲有唔少得既三文鱼籽。呢到既三文鱼籽晶莹剔透又大粒，粒粒饱满丰郁，味道一D都唔腥，唯一美中不足既系饭既份量比较少，男仕们可能会唔够食。日本牛肉网烧定食:牛肉网烧定食可以拣日本牛肉或者系美国牛肉，
餐厅位于铜锣湾霎东街OLIV既24楼，地铁站行过去都只不过系2分钟，环境寛躺优雅，装潢都相当日式。
坐低之后侍应好快就为我地端上热茶，我地亦都好快落左单。每个是日午餐都会包一个沙律，一个蒸蛋，一个味噌汤同埋一个甜品既。
沙律菜好新鲜同爽脆，除左加左胡麻酱之外，仲加左少少饭素，味道好特别，我都系第一次咁样食，至于酱汁比例适中，令人好开胃。味噌汤味道唔会过重，可惜汤料相对较少，建议加多少少豆腐同海带。
日式蒸蛋有别于平时食到果D，呢到既蒸蛋内有蟹肉，虾肉同鱿鱼，口感非常滑溜，值得推介。
吞拿鱼腩日本海胆丼: 吞拿鱼腩新鲜而唔腻，海胆油油甘香，软滑甘甜而肥美，弹出鲜咸香味，加埋又大又厚既玉子，配上日本珍珠米煲出黎既饭，点上少少Wasabi同豉油，真系令人一试难忘。
北海道丼:所谓既北海道丼，除左系由上面已经提及过既海胆，玉子，同埋日本珍珠米煲出黎既饭整食之外，仲有唔少得既三文鱼籽。呢到既三文鱼籽晶莹剔透又大粒，粒粒饱满丰郁，味道一D都唔腥，唯一美中不足既系饭既份量比较少，男仕们可能会唔够食。
日本牛肉网烧定食:牛肉网烧定食可以拣日本牛肉或者系美国牛肉，当然价钱上都好大分别，反正今日都谂住豪返次，最后都系拣左比较贵既日本牛肉。日本牛肉肉质非常腍滑，肉香浓郁，肉汁都可以话一流水准，配埋又大碗又热腾腾既日本饭真系完美配搭。食完主菜之后就系上甜品既时候，甜品可以拣雪榚同绿茶卷，如果唔拣甜品既话都可以改要咖啡或茶既。我地三人最后要左一个柚子雪榚同埋两个绿茶卷。
柚子雪榚口感有D似雪葩，里面有少少柚子颗粒，果味重而带出清新既感觉。
绿茶卷既海锦蛋榚同滑滑既忌廉都渗透浓浓而清新既绿茶味，入口甘香而不腻，卖相仲好吸引添。3位埋单最后都要成$1100，的确有点儿贵，但系呢到环境优美，服务一流，仲有侍应不断加茶，唯一美中不足既就系女洗手间入口比飞机既更窄，真系肥少少都入唔到去呀。
张贴
