影片
更多
2014-02-04
734 浏览
自从被调到将军澳开工后，饮食方面对我黎讲又系一个新烦恼，皆因旧时系杏花邨可选择嘅放饭地点唔多，商场各名店又贵又唔好食，加上要乎合营养师指示嘅餐馆更加少之有少 ，谂都唔驶谂，晚晚都系去同一档就可以医饱个肚。上两星期到埗后曾经四处寻觅健康餐（油鸡烧肉饭走汁）嘅代替品，但讲真效果都唔太理想。适逢今日年初四，要我返工所已经sad到爆，仲要我揾似样嘅烧味饭真系无乜心机。忽然想起不如叫埋呀爸呀妈黎一齐食饭丫，横掂佢两个今晚都系出街食。上去开饭网左揾右揾，最后拣左霞飞点心拉面。呀爸话食小笼包都好㖞。准时放meal break就一个箭步飞去揾已坐低睇紧menu嘅爸妈，我地order左餐前小食醉鸡，小笼包，鳝糊炒拉面，煎牛肉馅饼同埋上海炒年榚。由于大家非常肚饿，相都影唔切就已经开动左...唔好意思啊大家! 讲到醉鸡，可能问十个人会有十种唔同嘅要求或期待，口味嘅野真系好难讲。霞飞嘅醉鸡温度适中，唔会雪到结冰亦唔会暖住送上（无吹水的，两个情况都遇过）而醉鸡汁有香浓花雕及唔会过甜，不过呷过一啖后都怕一阵吹波仔会超标。小食醉鸡比我地印象都唔错，之后送上嘅有鳝糊炒拉面同小笼包。听过有人话小笼包开盖后要rest一阵
上两星期到埗后曾经四处寻觅健康餐（油鸡烧肉饭走汁）嘅代替品，但讲真效果都唔太理想。适逢今日年初四，要我返工所已经sad到爆，仲要我揾似样嘅烧味饭真系无乜心机。
忽然想起不如叫埋呀爸呀妈黎一齐食饭丫，横掂佢两个今晚都系出街食。上去开饭网左揾右揾，最后拣左霞飞点心拉面。呀爸话食小笼包都好㖞。
准时放meal break就一个箭步飞去揾已坐低睇紧menu嘅爸妈，我地order左餐前小食醉鸡，小笼包，鳝糊炒拉面，煎牛肉馅饼同埋上海炒年榚。
由于大家非常肚饿，相都影唔切就已经开动左...唔好意思啊大家! 讲到醉鸡，可能问十个人会有十种唔同嘅要求或期待，口味嘅野真系好难讲。霞飞嘅醉鸡温度适中，唔会雪到结冰亦唔会暖住送上（无吹水的，两个情况都遇过）而醉鸡汁有香浓花雕及唔会过甜，不过呷过一啖后都怕一阵吹波仔会超标。
小食醉鸡比我地印象都唔错，之后送上嘅有鳝糊炒拉面同小笼包。听过有人话小笼包开盖后要rest一阵直至无烟先好食，所以就试左膳糊炒拉面先啦。
叫得炒面就预左油腻，不过佢个酱油同黑醋比例混合得好好，酸甜适中消除左油腻口感，而且唔会有多余嘅汁留系碟上。鳝糊汆水时间掌握得ok，每一条鳝都好爽口而且唔会痴埋一旧旧。韮王未有过量，我最怕食拉炒面时有过量嘅葱或芽菜等...
到小笼包啦，见佢香喷喷，自然好心急想食啦，但系经验话比我地知，对小笼包心急嘅下场多数系好凄惨...所以要慢慢系个顶到夹起佢。我惯左唔点醋，我比较钟意原汁原味，放上匙羹上面，小心翼翼咁咬开佢先！老实讲，呢到个小笼包我觉得一般咋，佢皮唔算话真系好薄，咬开时肉汁虽然相当多，但系肉味及调味欠奉。三个人食四个小笼包...我食一个就够，完全无欲望想食埋净低果个。
煎牛肉馅饼送到，上台时饼皮一啲都唔觉油，而且热辣辣看似吸引。食完小笼包后有点失望，再见到个金黄色嘅牛肉饼就即刻醒一醒，再次好小心咁去品尝呢一类嘅爆汁美食。真系可惜，佢同小笼包一样无味，甚至乎我比多最后一次机会佢去尝试闻下肉馅有无牛肉香味...结果同样令我失望。我相信北角马宝道德兴隆卖紧四蚊一件嘅煎牛肉包会比佢做得更出色。
最后送上嘅系上海炒年榚，加入左冬菇丝、肉丝、黄芽白同白菜。年榚软硬适中，可以意大利文al dente黎形容，即系外软内烟韧但唔会黏牙。食完之后碟上都无多余油出现，都算合格啦。括今晚晚餐，食物质素好坏参半，醉鸡的确令人相当醒神，但小笼包同牛肉饼就真系比较失望。 相信以后系将军澳返工嘅日子，若果要再食上海菜，霞飞都可以放得比较后一啲啦，因为隔离商场有间质素比较稳定嘅连锁上海菜品牌可以选择。
张贴
