泰斗 (中達大廈)

营业中

休息中

露天风味泰菜@尖沙咀落雨天坐喺露台享受泰菜，别有一番风味。依道有个对住九龙公园嘅大露台，景色一片绿油油，真系身处泰国咁！泰式生虾刺身摆放得好有心机，而且份量可观，一行四人都够哂分。每只虾都一样咁大只，肉质好爽滑，加埋酸汁同蒜片辣椒真系无得弹！泰式小食款式多多，都系点拼盘每样有啲最好。依道嘅拼盘有四样嘢：香叶鸡中翼、鱼饼、虾饼同素春卷，有分大盘同细盘。虾饼同素春卷依啲炸嘢好香脆，虾饼仲真材实料十分弹牙。即叫即烧嘅香烧鸡皮香肉嫩，值得等耐少少。依个整法比较少见，好有特色，配咗个泰式辣酱更加惹味呢。炒饭同炒粉面嘅选择好多，真系睇到我花多眼乱。最后我点咗个名有趣嘅醉猫炒河，原来系因为加咗啲酒去炒，不过食落无乜酒味。除咗牛肉之外，落咗好多黄椒、红椒、四季豆同洋葱一齐炒，好丰富！青咖喱椰汁味道浓啲，相对其他咖喱嚟讲无咁辣，大部分人都食到。青咖哩个碗好深，其实入面都几多猪肉，点蒜蓉包好好食。依个菜炒得几好，唔会好油咁，咸鱼稍微吊味。芥兰一啲都唔苦，反而食落新鲜清甜。