串點 (已結業)

好特别呢一间串烧居酒屋，唔系普通居酒屋，系好似露营咁设计嘅，餐厅里边有露营嘅桌椅，好适合三五知己一齐过去，饮吓嘢，食下串烧。龙虾沙律紫菜$48紫菜脆卜卜，龙虾沙律甜甜地好入味，配埋紫菜食一流。鸡皮饺子伴柚子醋$38呢款饺子好特别，系用鸡皮包住，然之后去炸，外脆内嫩，个皮仲有烟烟银银嘅口感，非常唔错，点埋柚子醋更加嘢味。芝士猪肝酱多士$28特别的菜式，第一次试到，芝士猪肝酱，味道创新。脆骨鸡肉丸子、鸡软骨、鸡肉串$22/1串呢度嘅重头戏当然系串烧，好多款式好难拣，于是乎拣咗鸡嘅系列，丸子甜甜地，鸡软骨脆卜卜，仲有嫩滑嘅鸡肉串，好满足呀！辣味炸鸡$38炸鸡有少少辣，但系味道都唔错。Ps.有配埋月见汁，可以点串烧食，难得一见。总括而言唔错，环境好特别，以露营为主题，同知己朋友过嚟一路食一路谈心嘅好地方，而且食物制作用心，好有feel嘅地方。