CAMPSITE (朗豪坊)

营业中

休息中

旺角呢间露营风餐厅，绝对系唔可以错过！佢嘅主题系以露营为主，环境好靓，非常适合影相打卡。首先，佢嘅营火烤原只龙虾同鱿鱼，佢地即场有烤炉，可以为你烧好佢。你可以亲自参与烤龙虾同鱿鱼嘅过程，真系好有趣呀！营火烤出嚟嘅龙虾肉质鲜嫩，带有淡淡炭烤香味。而烤鱿鱼则带有微焦的外皮，内里嫩滑多汁，口感不错。除咗海鲜，佢仲有其他好吸引嘅菜式，例如大虾明太子意大利面！大虾肉质爽口，配上浓郁嘅明太子酱汁，意粉够味。我哋仲叫咗XO酱炭烤兰花苗，炭烤嘅兰花苗带有独特嘅烧烤香味，再加上香辣嘅XO酱，带出辛香的风味！个人觉得必要试下佢地嘅营火巧克力棉花糖夹饼，呢个真系好特别！佢地有个炉可以俾你慢慢烧棉花糖，糖烧到金黄色同融化，再夹入夹饼，带出浓郁的焦糖香气和丝滑的口感，真系好玩又好味😋饮品叫咗热摩卡咖啡同草莓柠檬汽水。热摩卡咖啡浓郁香浓，带有浓郁的巧克力味道。草莓柠檬汽水清新爽口，草莓的甜酸和柠檬的清新结合，好爽。