圍爐取暖

营业中

休息中

今日行左成日街脚仔好攰，系旺角见到有间露营风既打边炉，都几有创意㖞，可以慢慢坐慢慢食，啲装饰仲要好靓，一于试下佢啦⛺️🏔️☺️汤底都好有特色，我哋叫左胡椒猪肚鸡😍😍虽然啲鸡有少少肥，但好香鸡味，啲肉质好扎实，猪肚又新鲜，好爽口，无腥味，处理得好好👍🏻当然要饮下佢个汤，好清甜，不过我觉得当汤饮就有少少咸，但打边炉就岩岩好😚😚个汤底都好多𩠌，真材实料，两个人黎食都唔洗叫太多配菜🤓首先叫左个即炸响铃，浸佢落汤果阵仲会炸炸声，相信大家都知系咩意思🤣仲叫左个牛舌，非常爽口，新鲜！😛😛滑类三拼同饺子拼盘都好推介大家叫🥟🍡饺子好有妈妈风味，粒粒都大大粒，好足料，个虾滑好爽口弹牙，墨鱼滑好香黑松露！🦐🦑虽然当日只有一个staff 但都好主动帮我地加汤😇😇唯一美中不足系我地当日位置无冷气比较热，可能符合返露营个主题🤣🤣不过都有个风扇比我地！整体上来讲，虽然价钱偏贵，但系用料好新鲜，好干净，露营风亦好适合打卡，值得一试啊🐬