金竹苑中菜廳 (已結業)

星期一 blue blue 地, 同男友人去左明星饭堂金竹苑。入面装修好瑰丽堂皇, 干净企理, 由于是上楼店, 所以有d私房菜feel。而上一层是同集团的麻雀俱乐部，你话霸唔霸气先? 当睌全埸有三围, 其他贵宾都入哂房食。侍应姐姐好斯文温柔, 服务唔错。 系咁干净嘅环境下, 心情自然好。点左样呢几年来食过最好食的濑尿虾 - 避风塘濑尿虾! 师父拣出最大只的虾去壳, 沾上圴匀的粉, 再放落油镬炸。最考功夫的是火喉同油的滚度。而整件虾不太油腻, 鲜虾肉汁锁住了, 咬一啖, 慢慢流入口中, juicy 得来肉又爽, 浑入金黄松脆的油皮上, 脆卜卜而且甜到令人心旷神怡。配料更不得了, 是师博精心炮制的干辣椒，用来吊味岩岩好! 轻轻夹起来细䇠望, 虾的纹理淸晰可见，真材实料绝无取巧。 重有呢味香煎淸远鸡, 将半只新鲜鸡切件, 再将鸡件煎至金黄,然后落镬炸，上碟后洒上椒盐, 味道芳香鲜咸, 做到外脆内软。鸡件本身好滑,相信是有质素的新鲜鸡。希望下次同朋友来, 净食呢两样都抵!