蟹膳 (已搬遷) 新店位置

好耐之前已经黎过一次 呢间餐厅留左一个好既印象比我 几年后 再返黎食 依旧并无失望! 今次黎左食午饭 叫左个蟹火锅套餐 而套餐里面有呢款睇落好小但超香甜浓郁既蟹膏 配上青瓜片一齐食 仲带比我一点清新既味道！跟住呢度仲有一个蟹肉茶碗蒸 不过我无相 只能话比大家知 蛋滑蟹肉份量适中。跟著我地既主角出场啦 当然就系呢只毛蟹 呢度有半只 煮熟后依然鲜甜 其实我钟意食毛蟹多过长脚蟹好多 d肉甜d嘛其实到呢只蟹唯至我一直都有怀疑点解好似咁少野食 蟹膏就一茶匙 蟹就得半只 茶碗蒸size正常 够唔够食架 由于落蟹之前其实我就已经落哂d菜 因为我钟意软身d 总之我想讲既系 我睇少左佢 我以为唔够 但结果我系食唔哂 加上仲要留肚食蟹粥！精华既所在。系喇！呢个就系我讲既蟹粥 呢度你叫到d待应哥哥姐姐就会帮你煮架喇 之前d蟹呢 其实我无食哂架 就系未食个蟹盖喇！！因为我要留返比呢度嘛！呢个餐系有饭同乌冬比你拣 所以如果你唔想食粥 咁你就叫白饭啰 白饭黎𩠌蟹肉蟹膏咪一样咁正!最后 其实系咁既 我月尾又会再返黎食喇！已经约好多班朋友仔喇