天府人家

营业中

休息中

经过湾仔就去食下天府人家。离开地铁站大概行5分钟，搭lift上到去就见餐厅。平时食开酸菜鱼🐟，由于男朋友不食鱼，所以今次就试咗 厨师推介 嘅 - 霸王鲜牛肉。真心好食嘅霸王鲜牛肉🐂牛肉系弹口，有质感，唔同平时茶餐厅𠮶啲沙嗲牛肉，林晒，一pat pat咁。 个锅仲有金菇，粉丝，绿色的我估系冬笋丝，因为爽口的唔似冬瓜丝。仲有埋红辣椒🌶️，青椒🫑，花椒。如果喜欢食麻的朋友，可以咬一粒花椒，等个口充满花椒的麻香味，别有一番风味！之后再点左一个娃娃菜，娃娃菜够甜，份量好多，个汤可以饮埋解辣。点左一罐$20的王老吉，同$20的椰青水。虽然知道好贵，不过为咗解辣，点都要嗌定两罐冻饮做后备。两个人食共$398 = 每人大概$200总结：够麻，够香，嘢食质素好！环境坐得舒适，冷气够大，你唔会一路食一路揼晒汗，尤其食辣野。缺点： 嘢饮偏贵，为求经济的朋友，可以饮茶，因为茶介 🍵都要$20。