過橋麵檔

营业中

休息中

之前經過好多次，以為呢間係食過橋米線，由於我唔多鍾意米線，所以一直冇幫襯過。但早兩日偶然間睇youtube有介紹呢間原來主打雞飯，今日去開元朗於是過嚟試下。睇個餐牌原來都有好多款雞飯，而之前見介紹係霸王雞，加上有得揀輕量版(比正常版平少少同包杯飲品)所以就揀霸王雞輕量版餐。個飯係菜飯，而碟雞雖然話係輕量版，但都有好多件，每件都幾嫩滑上面有炸蒜同蒽，好香口，底層有少少芽菜，索咗D汁都幾好送飯不過我覺得以茶餐廳格局，lunch食雞飯要六十幾蚊算係偏貴了！