影片
更多
2017-08-15
1625 浏览
北角嘅锦屏街讲嚟无咩特别，但其后街却有啲似诺士佛台咁，一条小巷隐藏咗多家食肆，如Villa Villa、古月、酒盗、The Beans、北豆 Bar & Grill……等等，若非友人相约嚟食晚饭，真喺唔知港岛呢边都有条「小诺士佛台」。而今晚，友人拣咗据知由90后为店主兼掌厨嘅「 Soul 9+」。虽然小店环境细细，但装修上甚花心思，以深蓝色为主色背景，配合木枱、皮椅，最突出喺餐厅尾嘅英伦风电话亭外壳，复古怀旧，红色好抢眼。而感觉上，店主应该几钟情英伦事物，从店内嘅各项摆设就可见一斑。此外，最钟意喺佢哋啲灯光，除营造出气氛外，光源落正每张枱上，对相机先食嘅朋友喺个重点。餐牌精简得嚟几花俏，类别分为沙律、头盘（较玩味嘅英文译名Head Dish）、薄饼、意大利面、意大利饭、肉类（用主菜可能感觉好啲）、小食。本身餐厅唔提供套餐，顶多就喺点选意面、意饭或肉类，可以加$38享用是日餐汤及沙律。 是日餐汤晌碟边加少少点缀，卖相的确唔同晒，今晚个餐汤喺粟米汤，更唔喺打成蓉嘅忌廉汤款式，入口只喺微暖，绝对称唔上热，口感更喺跟饮「地扪」嘅唔觉有分别。是日沙律卖相同样经过啄磨，摆得精致，并用上近年颇兴嘅黑
虽然小店环境细细，但装修上甚花心思，以深蓝色为主色背景，配合木枱、皮椅，最突出喺餐厅尾嘅英伦风电话亭外壳，复古怀旧，红色好抢眼。
而感觉上，店主应该几钟情英伦事物，从店内嘅各项摆设就可见一斑。此外，最钟意喺佢哋啲灯光，除营造出气氛外，光源落正每张枱上，对相机先食嘅朋友喺个重点。
餐牌精简得嚟几花俏，类别分为沙律、头盘（较玩味嘅英文译名Head Dish）、薄饼、意大利面、意大利饭、肉类（用主菜可能感觉好啲）、小食。本身餐厅唔提供套餐，顶多就喺点选意面、意饭或肉类，可以加$38享用是日餐汤及沙律。
是日餐汤晌碟边加少少点缀，卖相的确唔同晒，今晚个餐汤喺粟米汤，更唔喺打成蓉嘅忌廉汤款式，入口只喺微暖，绝对称唔上热，口感更喺跟饮「地扪」嘅唔觉有分别。
是日沙律卖相同样经过啄磨，摆得精致，并用上近年颇兴嘅黑石长碟，但味道讲唔上有咩特别，或许件柑肉可能嚟自唔知咩知名地区，甜度却又唔喺甜到爆灯。而沙律菜虽然新鲜清爽，但意大利醋还是落得偏多，有点点呛喉嘅感觉。
半生熟带子、鲜茄扁意粉 $138主菜嘅扁意粉卖相保持一贯嘅精致，色彩予人对立感强。扁意粉卷起上碟，都喺精心铺排过，带子单睇呎吋就知喺上等货色，处理上喺单面轻煎成半生熟，所以，一边口感带香脆，一边口感如刺身，颇有趣，此外，味道可谓非常鲜甜；至于扁意粉呢？煮得恰到好处，极具咬口，加上挂满蕃茄汁及蕃茄蓉，好好食，只喺明显又喺有热度不足嘅问题。
慢煮北美银花鲈鱼、甘笋姜汁、烤杂菜 $148又喺摆设得好精致，伴菜嘅甘笋以姜汁煮过，显出其心思，烤杂菜亦唔喺普通嘅薯仔、西兰花，更见大厨好喜欢用樱桃萝卜刨片做点缀。条银花炉鱼有别常接触到嘅鲈鱼，比较薄身，所以，就算有两件鱼柳，其份量都唔算多。食味如何呢？今匀就够晒热度喇，外皮煎得十分香脆，肉质却仍然嫩滑有鱼味，甚有水准。不过有个吊诡嘅疑问，碟边嘅岩盐喺装饰，定喺食用呢？咁粗粒，无理由喺用作蘸鱼嚟食啩，唔溶架㖞！
因为+$38只喺升级多咗餐汤及沙律，唔包餐饮，饮嘢就得另外落单，亦无饮品优惠。但除一般汽水、啡茶之外，估唔到有唔少酒精类饮品，如红白餐酒、啤酒、烈酒，甚至乎鸡尾酒都有。不过，如你有细心留意，就发现餐牌喺印住隔离嘅餐厅「the Beans」，无怪乎一家小店竟可以提供咁多款饮品。
榛子咖啡 $30$30杯定价唔算贵，由于并非鲜奶咖啡系，所以，只喺加入榛子糖浆嘅即磨咖啡，由于糖浆有偏多嘅可能，故榛子味喺突出，但就偏甜，有点弄巧反拙，口感亦好普通，欠缺一份细腻感。
从各项菜式嘅卖相上，可见大厨都用心做菜，当中有啲细位有待改善，较明显嘅问题喺食物嘅热度，可能厨房只有佢一个人搞晒，难免顾此失彼。仲有就喺份量都有啲偏少，两道菜两个女生食相信问题不大，但转为男生，就应该唔够饱喇。
张贴
