影片
更多
2016-02-15
1237 浏览
早年黎试过一次咖哩牛腩饭，麻麻地。后来先发现依度既招牌菜竟然系汉堡包！作为一个食家当然要不厌其烦再犯险境，今日专程黎探过虚实。张单打住跟沙律汁，唔通仲有其他汁拣？茄汁、咖哩、黑椒、甜酱？下次要问清楚先得。我一向对汉堡麻麻，突然谂起时新食髀，就专登行十几分钟黎食汉堡包同鸡髀架啦！但我到依家都唔知到底汉堡包是否酱拣呢？一个人食个包加只髀做 lunch 唔系好过份啫。舖面细又窄所以坐得唔舒服，枱都好细张，只免强放到两个拓盘乍。行人通道只够一个人行，肥少少都要侧身先过到，莫讲话两个人喇。先排队比钱买飞再等叫号码，老式快餐店格局，座位不多，我独行唯有坐面壁位啦。卤水鸡髀，见到有炸同豉油两款，但见到只炸鸡髀炸到缩晒水，变左 BB 鸡髀，卖相啡黑干争争，我都系食卤水鸡髀穏阵喇 ﹗有 order 时会去浸返热先比食客，非常好 ﹗热腾腾出晒烟，令我双眼发晒光，劲喜欢 ﹗忍不住擘大口大大啖咬落去，肉汁直流！第一口有点偏咸，继续食落去味道刚刚好。全熟鸡肉滑溜多汁，渗出清香卤水味，豉油不呛不浊，好好食啊！迅间被我完全消灭，有添食既冲动！卤水鸡髀，呎吋适中，唔系特别巨形，系瘦长纤腰形。 热腾腾出晒烟，香气缓缓升
我一向对汉堡麻麻，突然谂起时新食髀，就专登行十几分钟黎食汉堡包同鸡髀架啦！但我到依家都唔知到底汉堡包是否酱拣呢？一个人食个包加只髀做 lunch 唔系好过份啫。
舖面细又窄所以坐得唔舒服，枱都好细张，只免强放到两个拓盘乍。行人通道只够一个人行，肥少少都要侧身先过到，莫讲话两个人喇。先排队比钱买飞再等叫号码，老式快餐店格局，座位不多，我独行唯有坐面壁位啦。
卤水鸡髀，见到有炸同豉油两款，但见到只炸鸡髀炸到缩晒水，变左 BB 鸡髀，卖相啡黑干争争，我都系食卤水鸡髀穏阵喇 ﹗有 order 时会去浸返热先比食客，非常好 ﹗热腾腾出晒烟，令我双眼发晒光，劲喜欢 ﹗忍不住擘大口大大啖咬落去，肉汁直流！
第一口有点偏咸，继续食落去味道刚刚好。全熟鸡肉滑溜多汁，渗出清香卤水味，豉油不呛不浊，好好食啊！迅间被我完全消灭，有添食既冲动！
卤水鸡髀，呎吋适中，唔系特别巨形，系瘦长纤腰形。 热腾腾出晒烟，香气缓缓升起，索一索舒筋活络，口水长流，我忍唔住喇！
热烫烫鸡髀放系面前，不需胆怯，狠狠地大大啖咬落去啦！无可想象的 juicy，比巷仔潮食或万利来更湿润，只系 size 较细一点。内内外外都好够热，鸡肉并无浸到霉、亦无浸到干鞋噃，时间刚刚好，真系非常难得 ﹗皮香肉嫩，卤水味香甜而丰富，不呛不咸不涩，色水都好靓呀 ﹗好味道 ﹗
芝士汉堡包沙律汁，第一次食时新汉堡唔知点样 order，谂左好耐，最后都放弃双层芝士汉堡，今日唔食咁多喇，试个基本包先。
芝士汉堡包沙律汁，卖相平平无奇，打开研究一下，无任何其他材料，芝士汉堡就净系芝士同汉堡扒啰，无生菜无蕃茄无洋葱无青瓜。见师傅不停咁煎汉堡扒，但点解我食紧依块都唔够热既？只系暖暖地乍㖞，有点失望。
自家制新鲜 100% 汉堡扒咬落松软多汁，任何新鲜汉堡扒都必定好味过麦当奴既冰鲜合成汉堡扒啦，何解唔食真牛肉呢？汉堡扒混入左洋葱添上香甜味道，食落多汁鲜甜略带牛味，真系唔错，但煎得唔够香口㖞，而且调味有点单调。咁奇怪既？沙律汁稀得利害，好似水咁滴出黎。
浅黄色既芝士非常淡口，咸香味欠棒。因为汉堡扒唔够热，所以连块芝士都熔唔到呀﹗总结依个汉堡包都合格既，只系无食评讲得咁夸张啰﹗我会比多次机会您，打算试多一次。
双层芝士汉堡包配沙律汁，我真系好想知道除左沙律汁仲有咩汁架？汉堡包最紧要用料新鲜，即叫即做，已经可以加唔少分数喇，绝对唔会有麦当劳𠮶种 dead beef 味道，好可怕呢 ﹗
双层芝士汉堡包配沙律汁，每日自家制新鲜牛肉汉堡扒，即叫即煎即做，牛味香浓鲜甜，肉汁劲、质感松软 ﹗您几时有见过麦当劳既汉堡扒会有肉汁反光，甚至滴出黎呢？Never 啦 ﹗热辣辣既即煎汉堡扒将芝士完全溶化，再渗入汉堡扒之内，味道互相呼应，如虎添翼，好好味呀 ﹗面包香而软棉，全部都系 perfect match ﹗
卤水鸡髀
39 浏览
0 赞好
0 留言
卤水鸡髀
46 浏览
0 赞好
0 留言
卤水鸡髀
19 浏览
0 赞好
0 留言
芝士汉堡包沙律汁
15 浏览
0 赞好
0 留言
芝士汉堡包沙律汁
67 浏览
1 赞好
0 留言
双层芝士汉堡包配沙律汁
25 浏览
0 赞好
0 留言
双层芝士汉堡包配沙律汁
38 浏览
0 赞好
0 留言
张贴
