影片
更多
2016-08-30
235 浏览
日本人专注做事嘅精神，从食店分类可见一斑。好多食肆只会提供一种食品，例如天麸罗店、拉面店，文字烧店，师傅只会精益求精，一生穷究一种技艺嘅匠人精神，今日比我喺荃湾一条唔起眼嘅巷仔遇到。小店为求保持水准，每日只会喺1630开始做5个钟头，地点无可否认系僻咗啲，为咗食好嘢，上山下海都阻唔到我哋啲食家嘅。今日自以为好醒，1615就到，点知未开门已经有人龙！！😳店面唔大，只做外卖，以一个「熏」字嘅简约招牌表现和风之美，扫描画嘅MENU,图文并茂介绍7款玉子烧，仲细分咸、甜两个系列。舖前DISPLAY同筑地玉子烧各店一样，一比一玉子烧模型，睇见令人食欲大增。由于所有热食玉子烧都系即叫即做，所以每位客人只限买两份热玉子烧。店方强调所有产品都系用日本产鸡蛋做，希望保持日本口味。不足40呎舖头完全显示员工嘅效率，4个人全民皆兵，不停手煎蛋入盒做烟熏。 小店取名「熏」，因为每份玉子烧奉客之前，都会输入烟到盒内，熏两至三分钟，产生无可替代嘅独特风味。亦成为玉子烧嘅灵魂。见到女店员帮每份玉子烧入盒后，先黐上贴纸，再用喉将烟输入盒内，再封口，先会交比客人。虽然我系6号飞但都等咗30分钟先有得食。葱
日本人专注做事嘅精神，从食店分类可见一斑。好多食肆只会提供一种食品，例如天麸罗店、拉面店，文字烧店，师傅只会精益求精，一生穷究一种技艺嘅匠人精神，今日比我喺荃湾一条唔起眼嘅巷仔遇到。
小店为求保持水准，每日只会喺1630开始做5个钟头，地点无可否认系僻咗啲，为咗食好嘢，上山下海都阻唔到我哋啲食家嘅。今日自以为好醒，1615就到，点知未开门已经有人龙！！😳店面唔大，只做外卖，以一个「熏」字嘅简约招牌表现和风之美，扫描画嘅MENU,图文并茂介绍7款玉子烧，仲细分咸、甜两个系列。舖前DISPLAY同筑地玉子烧各店一样，一比一玉子烧模型，睇见令人食欲大增。
由于所有热食玉子烧都系即叫即做，所以每位客人只限买两份热玉子烧。店方强调所有产品都系用日本产鸡蛋做，希望保持日本口味。不足40呎舖头完全显示员工嘅效率，4个人全民皆兵，不停手煎蛋入盒做烟熏。
烟熏玉子烧
11 浏览
0 赞好
0 留言
虽然我系6号飞但都等咗30分钟先有得食。葱同樱花虾，客人可选择跟跟唔跟萝卜蓉，有得拣，梗系试埋，但用寿司豉油樽盛载，要完全倒出嚟有啲难度，而且唔系好够水份，但份量都足够，配埋一齐食可减低油腻感，抵赞！
芝士黑松露(上)、紫薯(下)
$38
9 浏览
0 赞好
0 留言
期间限定，芝士烟韧，黑松露味唔太突出，但同玉子出奇地夹。
紫薯$34
紫薯蓉打得细滑，内含小块紫薯粒，天然甜味配合微甜玉子，当饭后甜品都得呀。
樱花虾(上)葱味(下)
$32
8 浏览
0 赞好
0 留言
草青味嘅葱，配微甜嘅玉子，食落无油腻感，咬落爽脆嘅葱花，同时增加美感。
樱花虾$34
樱花虾落得够重手，遍布成份玉子烧，每啖都食到咸鲜香脆嘅虾。
山不在高，有仙则名，水不在深，有龙则灵，难得喺香港，有一间小店肯专注做好一样食品，而且水准比起日本老店不遑多让，更别出机杼，创出自家风格，希望小店成功模式可以启发其他从事饮食业嘅人，成功唔一定要跟大环境，只要食品有质素，有回头客先可以屹立不倒，自求我道。
张贴
