最掂燒味 (已結業)

夜晚同同事打完波，行番屋企时，比呢间餐厅既名吸引咗，叫 最掂叉烧。把心一横，就试下佢啦。由于入座时已经九点三，入面已经冇哂客人。而且店员仲同我讲已经冇哂叉烧，建议我食烧腩仔油鸡饭，配热饮盛惠55蚊。落咗单，五分钟左右已经上菜。望落去，烧腩既肥膏比例唔错。而油鸡就比咗副多骨既翼部比我。配菜有三条几鲜既油菜。而食落去既烧腩仔，外皮烧得几脆。大啖肉加肥膏配上芥辣，真系几多碗饭都唔够。而油鸡质素就一般，外皮既汁唔太入味，鸡肉唔多。整体上都算系一碟唔错既烧味饭，份量唔细。而店员服务有礼貌，唔会因为你系最后一个客就黑面赶你食快啲埋单。