2017-07-09
508 浏览
呢杯雪糕绝对唔可以用童年回忆来形容,因为童年系冇理由可以有咁多钱买一杯咁贵嘅雪糕。我人生中第一次食呢一杯雪糕系中三,我记得当时我哋喺铜锣湾嘅金百利,同𠮶阵时嘅一班朋友啦,系学校里面嘅坏分子,啲训导老师成日同我地讲要杀一儆百,我就系其中一个。我记得𠮶阵时金百利嘅最上高有一间买发夹小精品嘅铺头,成班人最钟意就系𠮶度柴娃娃搞事。有钱嘅时候就会喺一楼买一杯雪糕,就系呢一杯阿波罗雪糕。然后香港嘅雪糕价格好似楼价一样越嚟越升,有不同嘅外来势力进军香港,呢一个咁亲切嘅雪糕买少见少。今日我刚刚去到半岛酒店整少少野之后行过嚟特登就系想食一杯雪糕。其实沿路真系有好多唔同嘅引诱。包括有雪糕车雪糕,亦都有外国嘅雪糕店同埋东海堂嘅日本雪糕。。。。最后我都坚持行到过嚟。就系为咗食一口青年回忆。然后发现宜家呢个青年回忆加左价仲好贵。我平时最钟意食嘅系蓝莓加麦提沙,呢个配搭已经要50。好贵啊!唯有退而求其次,叫个波萝配麦提沙。用上冰冻嘅水果同乳酪整的雪糕。原汁原味,而且不含色素。食落去依然系有当年中三着住校服柴娃娃嘅味道。我哋经常喺度追紧一啲潮流美食,有时候都要停一停食返一啲回忆,随着香港咁竞争激烈嘅市场,今日我仲食
我人生中第一次食呢一杯雪糕系中三,我记得当时我哋喺铜锣湾嘅金百利,同𠮶阵时嘅一班朋友啦,系学校里面嘅坏分子,啲训导老师成日同我地讲要杀一儆百,我就系其中一个。我记得𠮶阵时金百利嘅最上高有一间买发夹小精品嘅铺头,成班人最钟意就系𠮶度柴娃娃搞事。
有钱嘅时候就会喺一楼买一杯雪糕,就系呢一杯阿波罗雪糕。
然后香港嘅雪糕价格好似楼价一样越嚟越升,有不同嘅外来势力进军香港,呢一个咁亲切嘅雪糕买少见少。
今日我刚刚去到半岛酒店整少少野之后行过嚟特登就系想食一杯雪糕。其实沿路真系有好多唔同嘅引诱。
包括有雪糕车雪糕,亦都有外国嘅雪糕店同埋东海堂嘅日本雪糕。。。。最后我都坚持行到过嚟。就系为咗食一口青年回忆。
然后发现宜家呢个青年回忆加左价仲好贵。我平时最钟意食嘅系蓝莓加麦提沙,呢个配搭已经要50。好贵啊!
唯有退而求其次,叫个波萝配麦提沙。用上冰冻嘅水果同乳酪整的雪糕。原汁原味,而且不含色素。食落去依然系有当年中三着住校服柴娃娃嘅味道。
我哋经常喺度追紧一啲潮流美食,有时候都要停一停食返一啲回忆,随着香港咁竞争激烈嘅市场,今日我仲食到呢个雪糕,听日我可能已经食唔到某某餐厅嘅西多,又或者系某店的豆花。
查看之前的留言 ()
张贴