影片
更多
2010-07-23
1 浏览
师傅同好友食家"乜都放入窿"食完卡巴, 师傅就已经饱到颠, 但好友食家"乜都放入窿"看上去又好似唔饱, 叫佢食野佢又好似食唔落咁, 都几难估; 不过师傅同得好友食家"乜都放入窿"饭局, 真系好少净系去一个地方, 所以离开食店后, 决定行一阵消化下, 然后再转战甜品店!甜品向来都唔系师傅强项, 而喺老尖又冇松记或石磨坊之类嘅甜品店, 于是唯有同好友食家"乜都放入窿"边行边揾, 而师傅知道近宝勒巷附近有几间新开甜品店就决定同好友食家"乜都放入窿"来睇下, 最后二选一, 好友食家"乜都放入窿"就拣左呢间食店!其实未入食店前好友食家"乜都放入窿"已经喺门口睇左一阵, 入到食店师傅觉得环境都几细, 细都正常, 甜品店系唔需要太大间嘅铺面, 可幸食店细得黎都坐得唔逼挟; 坐底后睇下有咩吸引先, 坦白讲好想食嘅就唔觉有, 而师傅真系好鬼热, 所以当下最怀念的只有石磨坊的冰柱! 谂左一阵师傅拣左杨枝金露, 而好友食家"乜都放入窿"就柯打左雪糕黑白凉粉!等左一阵杨枝金露率先登场, 而好友食家"乜都放入窿"嘅雪糕黑白凉粉亦随后登场, 不过当雪糕黑白凉粉放低后, 好友食家"乜都放入窿"就觉得唔对办, 原来系
甜品向来都唔系师傅强项, 而喺老尖又冇松记或石磨坊之类嘅甜品店, 于是唯有同好友食家"乜都放入窿"边行边揾, 而师傅知道近宝勒巷附近有几间新开甜品店就决定同好友食家"乜都放入窿"来睇下, 最后二选一, 好友食家"乜都放入窿"就拣左呢间食店!
其实未入食店前好友食家"乜都放入窿"已经喺门口睇左一阵, 入到食店师傅觉得环境都几细, 细都正常, 甜品店系唔需要太大间嘅铺面, 可幸食店细得黎都坐得唔逼挟; 坐底后睇下有咩吸引先, 坦白讲好想食嘅就唔觉有, 而师傅真系好鬼热, 所以当下最怀念的只有石磨坊的冰柱! 谂左一阵师傅拣左杨枝金露, 而好友食家"乜都放入窿"就柯打左雪糕黑白凉粉!
等左一阵杨枝金露率先登场, 而好友食家"乜都放入窿"嘅雪糕黑白凉粉亦随后登场, 不过当雪糕黑白凉粉放低后, 好友食家"乜都放入窿"就觉得唔对办, 原来系冇左雪糕, 再同伙计反映, 伙计好友善地加番个雪糕球! 先讲下杨枝金露, 杨枝金露入口味道不算太甜, 但内里嘅杧果就好甜好香, 而面头嘅沙田柚就几酸, 酸得黎又唔涩, 如果净系食沙田柚恐怕都几难食, 但配埋糖水味道啱啱好, 酸中带甜仲够清, 整体尚算不错! 至于雪糕黑白凉粉师傅有幸食左少少, 发觉味道不太差, 但看来亦冇咩惊喜, 师傅觉得水准一般啦!
总括黎讲甜品水准合格, 环境虽然细小, 但唔逼挟, 而服务态度友善, 价钱都接受到, 埋单五十三, 老尖黎讲唔算贵! 值得一提系呢间食店嘅楼面伙计应该系八十后或九十后嘅妹妹仔, 入到食店都会感受到唔少青春气息, 靓唔靓就见仁见智啦; 如果食饱饭又真系冇咩做, 入黎食碗糖水都算系一件赏心乐事! 笑脸可以一比, 皆因服务态度唔错, 有机会都会再黎, 顺便感受下青春……真可爱青春!
张贴
