青椰

营业中

休息中

餐厅：青椰地点：九龙城启德体育园菜式：越泰菜餐牌：下午茶套餐有18款主食，有粉有饭有多士等等，包饮品6选1，可以加钱升级饮品，或者追加小食。青椰海南鸡饭 $68 另加一海南鸡有十几件，有鸡脾，鸡胸同鸡翼，肉质好嫩滑，鸡皮有弹性，点甜豉油最好食，另外仲有辣酱同姜蓉。配4片爽口青瓜。油饭好香，暖暖地上枱，都大大碗。跟有一碗葱花虫草花鸡汤，好浓鸡味，真系有虫草花食。河内手切牛柳汤河 $72 另加一越式汤河配牛柳真系少见，牛柳真系生住上枱，自己用个热汤整熟，都好嫩口，又唔肥，份量好足。河粉份量多，好滑溜，都可以选檬粉。个汤好清。加有芽菜，葱花，洋葱圈，芫荽同脆脆，可以加添清新同少少香脆口感。仲有一大件淋淋白萝卜。另上辣椒粒同青柠比你自己调味。香茅烤猪颈肉 加$42 另加一香茅烤猪颈肉一共八件，热辣辣上枱，烧得外脆内嫩，口感同味道都唔错，猪味够浓。垫有少少生菜丝同酸白红萝卜丝解腻。跟餐饮品都有几款拣。菠萝冰茶 跟餐菠萝冰茶好少见，茶味中带适量菠萝汁味，唔错唔错，下底仲有好多香甜菠萝果肉，面头加上一片薄荷叶。芒果冰配芒果雪糕 跟餐加$8芒果冰配芒果雪糕大大杯，滑溜芒果冰加上一球芒果雪糕，味道唔假，