十十川滬料理 (已結業)

呢间餐厅位于朗豪坊嘅food Court旁，位置唔算好显眼，但系去到门口已经见到有条人龙，相信口碑唔错，等咗一阵我哋就被安排入座。酸菜鱼汤小笼包 （$58）非常有创意嘅小笼包，见到个名已经想叫嚟试吓，估唔到食入口咁夹，酸菜味刚好唔会太刺激，保留到小笼包原有嘅味道。酸菜肥肠鸭血米线 （$78）拣咗中辣，辣度刚好，汤底酸酸辣辣好醒胃，猪大肠炆得好淋，鸭血如果入味D会更好。饮品叫咗青苹果梳打 ($38)+冷泡洛神花茶 （$32）两杯饮品都好大杯，青苹果梳打唔会过甜，洛神花茶酸酸地带微甜，边食边饮可以解腻。神胜风沙单骨鸡翼 （$78）热辣辣外脆内嫰，配埋大量炸蒜碎一齐炒，蒜味渗晒入鸡翼度，十分惹味。沙嗲牛肉卷饼 （$58）呢个卷饼食落有啲似北京填鸭卷，卷饼做得好松软，多汁嘅牛肉配埋爽脆嘅青瓜，钟意食北京填鸭嘅你不能错过！整体嚟讲对呢间餐厅每款食物都好满意，下次会再嚟试吓其他款色嘅小笼包同想试吓好多人叫嘅自选干锅。