佐賀山田 (已結業)

今日去左朋友推介青衣城佐贺山田，日式烧肉火锅放题店。餐厅划分左两区，一边食烧肉，一边食火锅，通风系统做得好，唔会有油烟味。涮涮锅放题有A-E餐，另外仲有新推出既北海道未来牛套餐，可以一次过食晒11款唔同级数既肉。呢度系一人一锅，我哋可以一次过食到两款唔同汤底：九州风味猪骨浓汤，汤底呈香浓乳白色；日本樱花虾沙嗲浓汤，沙嗲味香浓惹味，仲有好多花生粒同樱花虾。肉类同海鲜系用QR code落单，至于其他火锅配料、蔬菜、丸类、沙律、饮品、甜品就可以去自助放题区，任饮任食。餐厅主打既北海道未来牛，牛肉色泽好靓好新鲜，牛脂味特别浓郁，质感嫩滑，仲一D筋都无。其他肉类都好高质，啱晒我哋两个食肉兽。另一主打日本明治雪条，都系必食之选，仲有3款口味可供选择。总括来说，食材质素高，员工有礼貌，坐得舒服，地点便利，系朋友畅聚既好地方。