炑八韓烤 (青衣城1)

营业中

休息中

韩式小碟前菜任食任加，泡菜好够味，连生菜包肉食好正～每枱都送一盘沙津，生菜车厘茄都好新鲜～盐葱牛舌旨味套餐超抵食套餐包盐葱牛舌、牛胸腹肉、葱蒜牛五花、秘制酱油猪五花、梨汁鸡腿肉同埋芝士生蚝～盐葱轻轻烧至干脆，更加提升到牛舌嘅鲜味～特别大赞呢到啲肉，非常新鲜，劲重肉味～套餐仲包咗一锅薯仔牛肉汤，好香浓薯仔味，食完好暖胃～姜橙热饮玫瑰佛手柑热饮套餐加$20可以加配一杯特色热饮～姜橙热饮唔会太酸，略带姜味但唔会太啃，满满维C～玫瑰佛手柑热饮好甘香～石头锅饭份量十足嘅石头锅饭，牛肉量好多，酱汁可以按自己喜好加，唔辣～韩式紫菜饭传统紫菜饭卷，超级大旧，里面有青瓜萝卜丝等清新配料，非常解腻～