當下 (翠怡花園) (已結業)

为了庆祝家姐结婚三周年，我哋去咗青衣逛一逛。呢度除咗有好多公园，仲有两个好大嘅青衣城，可以轻轻松松咁行一日。我哋沿着青衣海旁一路行，就去到翠怡花园。喺翠怡花园有好多食肆，有谭仔啦，有大家乐。如果系平时随便食就梗系冇所谓啦，但系庆祝三周年㖞，梗系要食好啲啦。跟住我哋就去到第一期一座𠮶边先见到一间气氛唔错嘅Cafe，都吸引我哋停低睇下个Menu。本身谂住都好贵㗎啦，点知一睇个Menu，价钱都好合理㖞，主菜唔使$100就有。咁但系我哋好肚饿，咁当然要食好啲啦。我哋本身想两个都食牛扒嘅，但系老公话不如试吓唔同款，咁我哋就叫咗一碟明太子意粉，一碟澳洲肉眼扒同埋两杯热朱古力。 本身谂住明太子意粉都系普通野嘅，点知我觉得佢仲惊喜过肉眼扒。我最欣赏系佢嘅酱汁，唔系普通忌廉煮嘅汁，应该系同埋磨菇一齐煮嘅汁。 如果对白汤有研究嘅人，就会知道就咁加忌廉出嚟𠮶个味道同用蘑菇一齐煮记汁好唔同。加上落埋明太子， 有画龙点晴既作用。大家黎到， 一定要食哩个餐！肉眼扒其实都好食，也无纺一试。至于水吧既饮品都算多总类，只系热朱古力略略唔够丰富，口感薄，下次可以试其他。总括嚟讲，系性价比高既西餐厅。