影片
更多
2024-08-15
208 浏览
三点三系下午茶嘅时间 不过呢日嚟到三点三冰室系食晚饭😂 餐厅都有唔少街坊嚟帮衬㗎焗猪扒饭见到隔离枱嗌焗饭好吸引 就跟人哋嗌份嚟食😆 焗饭类嘅产品可以拣焗饭定系意粉 食完之后几推介大家嗌焗饭 因为佢嘅饭底系炒饭底 简单嘅蛋炒饭已经显出师傅嘅功架👍🏻 不过呢度嘅焗猪扒饭唔系用茄汁 系用烧汁 而且猪扒系较薄身 不过size好大块 食完都会觉得好满足㗎吱吱喳喳铁板香烧羊架餐喺呢度可以食到热辣辣嘅铁板餐 有黑椒汁 烧汁 蒜蓉汁三款选择😗 另外配菜都有得拣焗薯或者薯条 我地拣咗黑椒汁同焗薯 三件羊架嘅肉质几软腍 如果再大件啲就好喇🤣 焗薯有烟肉同芝士喺面 其实做得几唔错 系个唔太热气嘅选择 另外跟餐有个日式粟米汤 冇谂过西餐会配日式嘅汤 配搭新颖芝心虾多士一份有6件 系薄薄嘅多士面有一层弹牙嘅虾胶🍤 试真啲个味道 原来系虾胶同多士中间仲有少少芝士🧀 所以味道更加丰富 个人觉得点埋沙律酱就更加美味妙龄乳鸽冇谂过系呢啲冰室都有得食乳鸽 仲可以整得咁出色🐦 可以原只上或者切半上 我哋梗系拣切半啦 可以方便啲食呀嘛 要搣开只乳鸽 啲肉汁滴晒出嚟 唔使我讲都知佢好Juicy啦☺️Jumbo柠檬茶呢个系特饮嚟㗎
三点三系下午茶嘅时间 不过呢日嚟到三点三冰室系食晚饭😂 餐厅都有唔少街坊嚟帮衬㗎
焗猪扒饭
见到隔离枱嗌焗饭好吸引 就跟人哋嗌份嚟食😆 焗饭类嘅产品可以拣焗饭定系意粉 食完之后几推介大家嗌焗饭 因为佢嘅饭底系炒饭底 简单嘅蛋炒饭已经显出师傅嘅功架👍🏻 不过呢度嘅焗猪扒饭唔系用茄汁 系用烧汁 而且猪扒系较薄身 不过size好大块 食完都会觉得好满足㗎
吱吱喳喳铁板香烧羊架餐
喺呢度可以食到热辣辣嘅铁板餐 有黑椒汁 烧汁 蒜蓉汁三款选择😗 另外配菜都有得拣焗薯或者薯条 我地拣咗黑椒汁同焗薯 三件羊架嘅肉质几软腍 如果再大件啲就好喇🤣 焗薯有烟肉同芝士喺面 其实做得几唔错 系个唔太热气嘅选择 另外跟餐有个日式粟米汤 冇谂过西餐会配日式嘅汤 配搭新颖
芝心虾多士
一份有6件 系薄薄嘅多士面有一层弹牙嘅虾胶🍤 试真啲个味道 原来系虾胶同多士中间仲有少少芝士🧀 所以味道更加丰富 个人觉得点埋沙律酱就更加美味
妙龄乳鸽
冇谂过系呢啲冰室都有得食乳鸽 仲可以整得咁出色🐦 可以原只上或者切半上 我哋梗系拣切半啦 可以方便啲食呀嘛 要搣开只乳鸽 啲肉汁滴晒出嚟 唔使我讲都知佢好Juicy啦☺️
Jumbo柠檬茶
呢个系特饮嚟㗎 size比一般嘅冻柠茶大啲 啱晒我同朋友share🍋 系一个经典嘅茶餐厅味道
呢间餐厅虽然位于商场入面 但系价钱都算合理😎 想食港式茶记嘅可以考虑吓呢间餐厅啊
张贴
