一休(居食屋)日本料理 (長發廣場) (已結業)

成日听连登讲，话边区系美食沙漠，连开间吉野家都系新闻，今日黎到都算僻嘅青衣食日本野，唔知会唔会中伏呢？一黎到店员比左两个杯我地，入面有茶包，另外有热水壶，如果有斟埋会好少少啦。另外落单讲number好似会方便d，因为始终暑假，有暑期工，未必咁熟手，去食嘅时候大家可以体谅下哈哈。讲返d野食先，成间舖头最好食系串烧，绝对比得上岀面卖串烧嘅舖头，不过我地想试多d其他野，只系叫左牛舌同猪腩肉。其他野食都系中上水平，好似寿司同刺身，都好新鲜，味道都对得住个价钱。拉面都唔错，糖心蛋同叉烧都有水准，不过汤底同面质就差少少。另外，饺子都几好食，而且黎得好快，肚饿可以叫黎食住先！不过可惜大虾天妇罗同豚肉生姜烧水平就一般d啦。天妇罗唔太脆，豚肉就有少少冻肉味，扣左少少分。不过整体水平都几好嘅！可以再食！