六記

营业中

休息中

小妹见好耐无食鸡煲，谂住同屋企人去食下。平时要食鸡煲最近都要去到荃湾，点知比我发现位于青衣涌美有一间六记大排档，身为青衣嘅街坊，一定要去试吓。佢有得坐室外同室内，而家夏天天气比较热选择坐了室内。当日被安排到另一间细房，入到去有三张枱，地方细细，环境舒服卫生，入到去竟然见到安装了三部分体冷气，超级凉快，好适合夏天。估唔到除咗鸡煲，佢仲有好多特式小炒可以选择，价钱合理。由于好想食鸡煲，一坐底就叫了佢既招牌鸡煲，叫左半只，估唔到黎到都好大份，啲鸡件件都好大嚿，啖啖肉。因为小妹唔系好食得辣，所以叫了微辣。估唔到佢既鸡煲咁出色，鸡煲酱汁非常惹味，配上芫荽同洋葱，辣度岩岩好，令到我胃口大开。鸡煲食到咁上下，店员自动加汤，因为鸡煲配了一份生菜。食鸡煲一定要加火锅配料，唔好浪费咁惹味嘅汤底。我就加了一碟手切封门柳同广岛蚝。细既手切封门柳份量也不小。黎到见到色泽好靓，牛肉纹理分布得非常平均，食落好有牛味又不鞋口。另外碟广岛蚝都好大粒，好有蚝味。碌完之后唔会缩水。有时好怕啲蚝碌完之后缩得好细粒。见到佢餐牌大排档竟然有小笼包食，就叫了一份试下。小笼包大大粒热辣辣，正常发挥。最后，黎到大排档点都要叫一个小炒试