當下 (翠怡花園) (已結業)

今晚去左青衣探朋友，佢介绍食日式串烧店，位置近翠怡花园，附近都有好多巴士站，例如可以出荃湾、葵芳、蓝田、TST and MK, 位置都算方便!我地叫左好多野食，头盘系黑松露枝豆，非常之香，食落几惹味，日本清酒🍶煮蚬，超浓酒味，爱酒人士之选👍🏻！试左三款刺身，三文鱼腩、油甘鱼、带子，都几有惊喜！刺身新鲜，唔会雪到好冻，三文鱼腩食落仲有丰富既油脂味，带子鲜甜。脆皮风鳝烧得劲香，外皮香脆内里又保存到肉汁，肉质咬感极佳，有d弹牙，每条免治鸡肉棒配一只日本生鸡蛋，沾左鸡蛋汁既鸡肉棒原来味道系可以咁夹，仲有少少鸡软骨混合左系鸡肉棒，真系好好味，作为下酒菜会系一流，不过听日要早起身做野，无叫到啤酒!可惜!烧鱿鱼超大份，烧汁真系好香，完全唔需要另外再沾酱汁，玉子烧配蟹羔真系未试过，估唔到都几夹，蟹羔有鲜味唔会腥，有系日本食到既味道，几正!!牛油果软壳蟹卷好大份，软壳蟹仲要炸得好够热同埋脆，食落其实有d似加洲卷既味道，最后店员仲送左份是日甜品比我地，应该系Tiramisu 蛋糕! 今餐食得好饱同埋坐得好舒服，倾下计都几relax,! Happy Monday!