影片
更多
2022-07-20
204 浏览
平時以為青衣係美食沙漠,但係估唔到都有更好高質嘅火鍋放題,我見佢係新開張嘅,所以專登同朋友一齊入去試下,地理位置好方便就係喺青衣城入面,落車唔使五分鐘就入到去.餐廳除咗火鍋放題之外,仲有燒肉嘅放題,但由於唔想食得太熱氣,就揀咗火鍋放題食,佢嘅火鍋放題都有好多種類,我就揀咗任食美國牛小排,都係250蚊左右一個人. 湯底我哋加咗20蚊,叫咗個推薦嘅雞白湯,另外仲叫咗個壽喜燒, 雞白湯果然好出色, 好重嘅雞味, 另外就係壽喜燒都有送到隻蛋.推薦嘅嘢食有牛小排同牛舌, 牛小扒食落入口即溶, 牛舌嘅牛味好重. 另外呢個套餐都有啲和牛, 牛味都唔錯.另外雪糕都係任拎, 呢度嘅雪糕係日本直送, 所以都好推薦. 如果有機會我都想再嚟多次食埋個燒肉.
张贴
