永倫800餐廳

营业中

休息中

对上一次嚟食已经系半年前， 当时都冇乜人嚟食，次次星期六嚟都差唔多包场。 最近屋企人话嚟食都book唔到位， 于是早一两个星期book位……成功星期六入座目测发现真系全餐厅满座，见有啲walk in客都无位！！！ 发现有啲客人手臂有贴纸，应该系旅行团。 想嚟试呢间自助餐就一定要book定位啦！人多咗，食物质素有些下降， 不过仍然属于抵食之选， 始终一百蚊有咁多选择，性价比高。 而且佢哋 补充食物， 唔见有食物盘吉空情况。想尽快归本必食之选 冷盘之中烟三文鱼好食 其他轻轻试下ok左下角𠮶盘红酒烩牛尾必试之选 好够淋、好够味， 手快有手慢冇其他热盘不过不失， 炸物有时会出鸡翼，有时会出虾多士，记得要试咖啡奶冻及泡芙好食 其他都一般般 芒果布甸可以试下， 啫喱糖就冇乜啫喱味餐厅环境比较旧但尚算卫生， 而取食物必须戴口罩及手套面包通常有三款都系好好食 中汤及西汤都唔错，冇揸流滩茶水吧自己冲， 如果有本事可以冲到好味冻柠茶自己花啲心思拼出美味食物，自我娱乐都唔错雪糕: 阿波罗&本地雪糕虽然系平价雪糕，但最后食返一杯都好满足阿波罗应该好食啲。