影片
更多
2023-11-20
165 浏览
得知马湾有间餐厅可以望到青马大桥嘅靓靓夜景 ， 特登同女朋友坐船入嚟呢边仓食晚餐。餐厅位于青马大桥桥底下方嘅沙滩旁。全店采取半开放式设计， 即使坐系室内，都可以欣赏到完全冇遮挡嘅青马大桥靓景。 夜晚喺昏暗嘅环境之下，一边欣赏青马大桥夜景，一边进餐，真系好浪漫。头盘想食啲香口浓味嘢，点咗𠮶黑松露杂菌配蒜蓉包。 三片蒜蓉包烤至松脆可口，蒜蓉微微渗出油份，就咁食到好好味。 除餐附送一小碗黑松露杂菌， 配住面包食都好惹味。主菜想食淀粉同埋肉，点咗南瓜芦笋忌廉汁带子炖珍珠饭同埋德式香煎肉饼配薯饼。 珍珠饭望落好靓，啱晒打卡。 topping系两粒大大粒嘅带子，食落好重胡椒味。 饭粒粒饱满分明，充满奶油香味。芦笋幼嫩无渣， 啱啱好中和咗奶油嘅油腻感， 整体配合得啱啱好。不得不提嘅就系呢一个薯饼，食落去口感系一丝一丝咁， 完全唔似得出面食开嘅薯饼咁会实笃笃好滞。最初以为系沟咗啲杂菜丝， 问返店员先至知道原来佢哋嘅薯饼系先将薯仔刨成丝，再搓埋一嚿， 所以先食到一丝一丝嘅口感， 好花功夫。最后再点咗一份德式格仔饼配雪糕做甜品。 同港式嘅格仔饼比较起嚟， 德式格仔饼比较薄比较脆，味道偏甜。 新鲜出炉嘅格仔
餐厅位于青马大桥桥底下方嘅沙滩旁。全店采取半开放式设计， 即使坐系室内，都可以欣赏到完全冇遮挡嘅青马大桥靓景。 夜晚喺昏暗嘅环境之下，一边欣赏青马大桥夜景，一边进餐，真系好浪漫。
头盘想食啲香口浓味嘢，点咗𠮶黑松露杂菌配蒜蓉包。 三片蒜蓉包烤至松脆可口，蒜蓉微微渗出油份，就咁食到好好味。 除餐附送一小碗黑松露杂菌， 配住面包食都好惹味。
主菜想食淀粉同埋肉，点咗南瓜芦笋忌廉汁带子炖珍珠饭同埋德式香煎肉饼配薯饼。 珍珠饭望落好靓，啱晒打卡。 topping系两粒大大粒嘅带子，食落好重胡椒味。 饭粒粒饱满分明，充满奶油香味。芦笋幼嫩无渣， 啱啱好中和咗奶油嘅油腻感， 整体配合得啱啱好。
不得不提嘅就系呢一个薯饼，食落去口感系一丝一丝咁， 完全唔似得出面食开嘅薯饼咁会实笃笃好滞。最初以为系沟咗啲杂菜丝， 问返店员先至知道原来佢哋嘅薯饼系先将薯仔刨成丝，再搓埋一嚿， 所以先食到一丝一丝嘅口感， 好花功夫。
最后再点咗一份德式格仔饼配雪糕做甜品。 同港式嘅格仔饼比较起嚟， 德式格仔饼比较薄比较脆，味道偏甜。 新鲜出炉嘅格仔饼热辣辣，配上冻冰冰嘅雪糕， 一道甜品两种享受。
张贴
