曲奇四重奏 (人和悅大廈)

营业中

休息中

突然间好想食曲奇饼 咁啱又喺铜锣湾鹅颈桥街市附近行 见到位置比较偏僻嘅呢间曲奇四重奏 间铺头细细 但系都放咗好多唔同嘅货品 大部分包装都好精致 特别啲曲奇饼 好多都整到有笑哈哈心形甚至有图案睇见就想买 拣咗好耐之后 决定买呢一盒朱古力杂锦 入面虽然话系朱古力杂锦其实都有其他味道 包括有果仁啦红莓啦提子啦伯爵茶啦 同埋芝麻 个人比较钟意食芝麻同伯爵茶 芝麻系原粒一齐整嘅 都仲咬到佢一粒粒 伯爵茶就好香好香earl grey味 另外就系主打嘅朱古力饼 感觉就略嫌唔够惊喜 同普通超级市场买到嘅朱古力曲奇饼冇乜分别 大部分曲奇都唔够松化 唔够脆 比较硬唔适合老人家同小朋友食 下次都系买番蝴蝶酥 至少大人细路都食得