茶語

营业中

休息中

大埔都好多好嘢食，今次专程去茶语叹个下午茶先。入到去点咗迷你卤水鸡翼米线跟半只卤水蛋，饮品要咗巨峰提子汁。另1set 叫咗蜜糖花枝丸 ，饮品系黑糖珍珠。最后叫埋甜品经典蜂蜜莓果梳乎厘。 卤水鸡翼超入味，卤水味渗晒入鸡翼，每一啖鸡肉都超好味，卤水蛋亦都系入晒味，而且蛋味浓郁 ，配埋个米线食一流。因为个汤底好有台式风味而且唔太咸，花枝丸就外脆内软，点埋店舖蜜糖食又系一流，绝对系下午茶之选。另最想讲系两杯饮品，可能天气热关系，个巨峰提子汁超好饮超解渴，而黑糖珍珠就整得好靓，系影相之选，而且系台式制法d珍珠好qq。而最后个甜品就令我眼前一亮，因为梳乎厘好松软，配埋cream同埋忌廉食冇得顶，加上d蓝莓同埋车厘子都好sweet，带出甜品嘅另一层次。