Puppuccino (已結業)

将军澳海傍又有高质餐厅忙左成个星期，星期五夜晚就chill一chill来试食呢间宠物友好餐厅，入到去已经见到好多可爱嘅狗仔，可以同宠物一齐享受美食，装修都好有型，好cozy巨型猪鞍排配红菜头牛油果莎莎炸猪鞍扒肉质柔软多汁，肥瘦相间，红菜头牛油果莎莎就比较清爽，两样嘢好match，口感好丰富。黑胡椒海盐烤鸡，鸡皮烤到好香脆可口，肉质鲜嫩多汁，加上适量的黑胡椒和海盐，仲有好多酱料可以拣（可以拣2-3款），我地拣左招牌蒜蓉牛油汁，西班牙烧红椒酱，同英式烧汁。烤鸡本身就冇太浓嘅调味，配埋唔同酱料就有唔同风味👍👍👍印象最深刻嘅就一定原只龙虾尾明太子三文鱼籽意粉。龙虾尾肉质鲜嫩多汁，明太子酱汁味道非常浓郁，三文鱼籽增添左啲鲜活感，绝对系这家餐厅的招牌菜，值得一试！🦞嘢饮我地就拣左mojito同fruit crush，fruit crush有西柚味，非常清爽🥤总之自己有养宠物或者钟意狗仔嘅人绝对值得去试下！餐厅嘅食物都令人惊喜。听讲餐厅下层仲有一个毛孩天地，下次会带埋我只猫猫去试下！