再臨閣 (已結業)

一行十几人, 亚 Sir 请食饭, 梗要到啦, 几个老板请食自助餐, 准时六点半到达, 人唔多, 仲有卡位, 食客大多是游客, 其他的也很斯文, 最嘈系我地....有点不好意思!环境装修过, 楼底也高, 几舒服, 望住远远既海景, 倾计一乐也! 冷盘如蟹, 虾, 螺, 刺身, 寿司, 沙律, 烟三文鱼, 自己受唔到咁多冷食物, 但比较深刻的是连鹅肝酱, 我拌了个面包, 都唔错, 热荤有韩式烧骨, 由头到尾都无咩人掂过, 炒饭, 羊肉麻麻, 咕噜鸡就只有同行既外国朋友先会夹, 蒜蓉西兰花太腍, 东星斑就少嚡, 但同事个个都话牛扒正, 可惜我唔食得! 即煮喇沙...辣又唔食得, 甜品唔多, 芝士蛋糕, 朱古力蛋糕, 士多啤梨慕司, 芒果布丁一般, 豆腐花, appollo 雪糕都有, 最好食系牛角包布丁, 几香, 不过, 同样几油, 生果就以新鲜菠萝最甜最好味! 如果大家讲求食物, 呢度真系满足唔到大家既要求, 呢度有啲似 湾仔既 R66, 舒服都系一种享受!