影片
更多
2025-01-21
101 浏览
钟意食靓牛肉嘅人相信都应该钟意食汉堡包我呢个牛魔王都唔例外！呢日同老婆大人去启德体育园睇吓香港嘅新建设，仲去咗一间好正嘅汉堡包食晚餐。呢间个名叫做N+ BURGER咪睇佢有个鬼佬名！其实佢系陀地店但就喺澳洲有个自家饲养牧场，真系好有诚意做汉堡包㖞。入面嘅装修颜色好清新，但我最钟意系佢哋挂喺墙上嘅旧启德机场嘅相，对于我呢个曾经系东九龙嘅人特别有亲切感。今日我哋就可以试到嚟自农场嘅汉堡包，究竟同出面嘅有啲咩分别呢？我同老婆大人每人拣咗一款汉堡包，我就梗系食牛肉而唔食牛嘅佢就拣咗鸡扒，再加一啲小食同饮品已经好鬼丰富。呢度同一般快餐店一样饮品都系汽水之类！不过如果钟意饮咖啡佢都有好多选择，我同老婆大人都拣咗佢哋嘅自家有汽柠檬水，少甜得嚟有啲好香嘅柠檬味几清新。喺薯条同薯角之间我哋拣咗薯角！炸得外皮几脆口入面就好粉淋，唔会好重调味食到薯仔本身嘅香甜好味得嚟仲好饱肚添。每份薯角都会跟一款酱汁我哋拣咗蜜糖芥末酱，另外加钱再拣多两款系熏烤酱同埋松露酱三个都好正，但我个人就特别钟意松露酱够重口味吖嘛。点解有三款因为我哋后加咗一个脆鸡柳！呢个脆鸡柳炸浆好轻身入面嘅鸡柳仲有肉汁，食落去香脆又鲜嫩绝对唔系一般
呢间个名叫做N+ BURGER咪睇佢有个鬼佬名！其实佢系陀地店但就喺澳洲有个自家饲养牧场，真系好有诚意做汉堡包㖞。
入面嘅装修颜色好清新，但我最钟意系佢哋挂喺墙上嘅旧启德机场嘅相，对于我呢个曾经系东九龙嘅人特别有亲切感。
今日我哋就可以试到嚟自农场嘅汉堡包，究竟同出面嘅有啲咩分别呢？
我同老婆大人每人拣咗一款汉堡包，我就梗系食牛肉而唔食牛嘅佢就拣咗鸡扒，再加一啲小食同饮品已经好鬼丰富。
呢度同一般快餐店一样饮品都系汽水之类！不过如果钟意饮咖啡佢都有好多选择，我同老婆大人都拣咗佢哋嘅自家有汽柠檬水，少甜得嚟有啲好香嘅柠檬味几清新。
喺薯条同薯角之间我哋拣咗薯角！炸得外皮几脆口入面就好粉淋，唔会好重调味食到薯仔本身嘅香甜好味得嚟仲好饱肚添。
每份薯角都会跟一款酱汁我哋拣咗蜜糖芥末酱，另外加钱再拣多两款系熏烤酱同埋松露酱三个都好正，但我个人就特别钟意松露酱够重口味吖嘛。
点解有三款因为我哋后加咗一个脆鸡柳！呢个脆鸡柳炸浆好轻身入面嘅鸡柳仲有肉汁，食落去香脆又鲜嫩绝对唔系一般快餐店可以媲美嘅出品。
呢度真系好特别连蔬菜都有得卖！呢一个系烤抱子甘蓝炒到有啲焦香食落去一啲苦味都冇即时感觉健康。
相信大家都好心急究竟个汉堡包好唔好食！我点咗全场最贵嘅特级黑松露牛前南汉堡都系$100啫！贪心嘅我仲额外加咗高级安格斯牛肉汉堡同芝士，佢哋用嘅面包系酸种面包口感好松软够实在，牛肉好香甜冇臊味仲好香浓添，配菜有炒本菇同埋生菜食落去唔会好有腻感，最重要系食完呢个汉堡包系感觉到满足呀。
老婆大人就食呢个火焰烤鸡汉堡！点解拣佢因为入面其中一样系佢最爱嘅菠萝，我都试咗一啖菠萝嘅香甜加埋惹味多汁嘅烤鸡真系好和味，老婆大人仲加咗健康嘅牛油果酱令到个包食落又香又滑。
张贴
