西站餃子

营业中

休息中

不哗众取宠，食落样样用料新鲜，配搭用心👍🏻👍🏻先黎送左一碗仔鸡肉饭，老板话比我地试下味，加埋店家调制嘅麻辣汁好惹味，饭粒饱满分明煲得好好食，唔系颓饭，青瓜都好fresh唔干水。四只饺子都有得拣单拼双拼，我拣左全部韮菜饺，老板本来推荐蒸饺款/蛋浆煎底款话会juicy啲，但我执意要面面煎果款，估唔到煎完都好juicy，皮好薄但冇穿，留到肉汁。鸡肉生菜包，睇啲菜叶边已经👍🏻 有啲似罗马生菜，叶厚脆卜卜。因为提供左两种汁，所以我一份落一种汁去试，鸡肉碎先腌左味再炒香，再伴入切粒嘅青瓜同鲜洋葱，加埋店家调制嘅黑醋汁好refreshing，用上意大利黑醋，果味香浓唔呛喉，另一份加麻辣汁食，重正😋 不过佢嘅麻辣唔系好辣果种，系惹味嘅BB辣。套餐跟汤拣咗蛋花杞子白萝卜汤，一黎就饮左两啖，味清淡，食完成餐再饮，正好平衡返主食嘅咸味同油腻感。唯一弹嘅系全部用即弃餐具，卖相争啲。食过嘅会想再食，但未食过嘅会有啲却步🤨p.s. 老板介绍得好热情，食完就明点解，因为真系花左心机，从用料配搭就知，而家开左冇耐，希望水准keep到！问左老板会唔会出羊肉饺，集气一下！