彩福皇宴 (iSQUARE國際廣場)

营业中

休息中

通关后礼拜六午市，之前打电话问有冇订枱，职员话冇。Walk in 都预咗要等位，12:40到现场，取飞（6人）见到仲有两张就到，断估都系等多半个钟。点知明明见到有啲6人枱走人，个叫飞都唔跳，但放咗一啲话订咗枱嘅客入场。火都嚟，问清楚个知客，仲西口西面话订枱满咗，所以答你冇得订枱。咁你唔早响？问佢要等几耐，佢仲话有好多客订咗，答唔到。个时我望表，1:15，佢够胆放订咗1:45啲客入去。真系可以当你透明😡。为咗讨回公道，唯有质问个知客，系咪当我哋Walk in客死？经过一轮扰嚷，终于要叫经理，成班人先死死气叫坐咗超过90分钟客人埋单，放Walk in 客入场。就算有靓景美食，俾呢班倒米职员咁搞，神仙都难救。