影片
更多
2018-08-25
236 浏览
海港城六公馆有270度维港景睇，室内外都好正，餐厅设计时尚带点古韵怀旧味道，好靓，一开始系有d落雨蒙蒙，之后可以。主打食新旧crossover既中菜。黄金荞麦茶麦味重，钟意饮玄米茶既朋友应该钟意！黄金荞麦茶 茶位$28一个人头，枱面有真兰花好有心思同气派！杏汁花胶川贝菜胆炖白肺$128杏汁超重，川贝既甘又唔太觉。可能因为仲有菜胆同白肺，所以会有d甜度出现。咁成个汤味道会比较温和，同有花胶之下有胶胶咁，岩女士，养颜呀！椰子咸桔炖鲜鲍鱼 $138而男士可能比较喜欢依个啦！咸少少，陈皮味重，唔好预咸桔好多味，反而椰子味道令成个感觉浓香d，带领鲍鱼提鲜呀！瑶柱发到好大下，炖都嫩嫩地，鲍鱼虽少但够味道！鸳鸯虾球 $298依个不得了，严重怀疑系虎虾啦！大家无讲笑，女士要3啖先食哂一只！系劲劲劲厚肉，未到爆juicy，但系肉既厚度令整体感觉好满足！有人话似芥末黄味？沙律酱？芒果味？各人有不同讲法！叫嚟食下咪知，嘻，包你话好味呀！另一种咸蛋黄牛油味！我更喜欢依个，但就油少少，传统d！酥炸香虾酱骨 $188呵呵，我由一开始话唔想叫依个怕咸，到之后我一个人食左两件！伍咸就唔咸，但就因为系骨，实有肥油香香。
海港城六公馆有270度维港景睇，室内外都好正，餐厅设计时尚带点古韵怀旧味道，好靓，一开始系有d落雨蒙蒙，之后可以。主打食新旧crossover既中菜。黄金荞麦茶麦味重，钟意饮玄米茶既朋友应该钟意！黄金荞麦茶 茶位$28一个人头，枱面有真兰花好有心思同气派！
杏汁花胶川贝菜胆炖白肺$128杏汁超重，川贝既甘又唔太觉。可能因为仲有菜胆同白肺，所以会有d甜度出现。咁成个汤味道会比较温和，同有花胶之下有胶胶咁，岩女士，养颜呀！
椰子咸桔炖鲜鲍鱼 $138
而男士可能比较喜欢依个啦！咸少少，陈皮味重，唔好预咸桔好多味，反而椰子味道令成个感觉浓香d，带领鲍鱼提鲜呀！瑶柱发到好大下，炖都嫩嫩地，鲍鱼虽少但够味道！
鸳鸯虾球 $298依个不得了，严重怀疑系虎虾啦！大家无讲笑，女士要3啖先食哂一只！系劲劲劲厚肉，未到爆juicy，但系肉既厚度令整体感觉好满足！有人话似芥末黄味？沙律酱？芒果味？各人有不同讲法！叫嚟食下咪知，嘻，包你话好味呀！
另一种咸蛋黄牛油味！我更喜欢依个，但就油少少，传统d！
酥炸香虾酱骨 $188呵呵，我由一开始话唔想叫依个怕咸，到之后我一个人食左两件！伍咸就唔咸，但就因为系骨，实有肥油香香。好厚一层肥肉，一层肉，一层肉连骨咁！食得肥肉系爆juicy，外炸炸皮，肉暖暖肥油汁。加白饭一流，哈哈哈！
龙井熏太鸡 半只 $288上枱个下，店员会加龙井落去，保持龙井”新鲜”入𩠌！半只鸡够4人食，味道系豉油鸡上加熏香味。无平时食熏鱼个只咁浓同甜，反而系似茶熏而成，淡香而吸左入鸡件中。鸡比较瘦，可能方便入味，因为d骨位多既鸡件比较入味，例如鸡翼比鸡腿入味。
芹香白合炒野木耳 $138依个系比较传统，特别在加入了马蹄，爽口d，之后莲藕都切得比较细同爽身。依个清d，有助消化上面既靓食物！
松茸羊肚菌海胆烩饭 $288依个劲西餐，带老人家嚟食就可以成机比佢地试下西餐野，伪装！海胆系处理得好好对于中餐厅嚟讲，无腥无臭，系新鲜带甘甜！松茸羊肚菌唔算多，所以唔够西餐个d浓香似食肉咁。湿湿润润既饭都易入口，可以一试！
杏汁木瓜炖雪莲子 $148一只木瓜，超美肌！入面仲要系满满杏汁混雪莲子，如果日日食，皮肤一定超级好！雪莲子炖得好软，咬落有少少似清心丸既口感。
川贝陈皮炖雪梨 $128整个雪梨都好吸陈皮味，有少少陈皮甘味丝食到。叫个时仲怕太甘会比较难入口，但ok！之后川贝应该加在冰糖整成汁，清甜食哂顺喉！
茉莉味意式奶冻 $148一层茉莉，超级浓香花味，正爆！奶冻好多，好有台型出场，仙气地(干冰)现场！
流沙球配冰淇淋 $128流沙球好正，好流心！3粒都暖热，爆汁流心！完全流沙，口感系外糯米内流沙喔！将流沙球下既原粒芝麻加入雪糕，正，满满芝麻香味！
小鳯姐 cocktail $148劲爆气pineapple形！环保铁饮管，好有台形！有1/3只百香果，果酸味比较多！
仙气 cocktail $148
好似饮latte，有菊花淡淡地味、有d似接木花味道咁，系3款之中最易入口！
泰醉拳 $138
泰style，有小红辣椒同香茅，乜料？欠打呀？先清后现辣、香茅味，钟意冬阴公既人会钟意，有半成似既感觉！
环境真系几enjoy，一改平时传统中餐厅既感觉，三五知己嚟岩哂啦。
张贴
