Cafe Tolo (已結業)

假期去马鞍山租单车踩去大美督，途经中大，谂起朋友话而家中大多左好多好野食，话说毕业后已经好多年无番过当年住嘅宿舍，便趁机番去缅怀当年。呢间cafe在新书院入面，相当隐蔽，好在当年我地就住系佢隔离，所以先咁快揾到cafe有室内位同室外位，当日天气咁好，我地当然第一时间选个户外位望住吐露港嘅靓景吧。Cafe嘅甜品价钱相宜，多款窝夫都系由$36~$54 不等，抵食过出面好多。我地叫了一个最平嘅甜蜜蜜窝夫伴雪糕($36), 佢用嘅系Movenpick 雪糕，(可以选vanilla, chocolate or stawberry 味)在阳光普照嘅日子，食住窝夫，搭配一杯Rose Latte, 望住个靓景，感觉一流。另外叫了一杯芒果蜜桃沙冰，好fresh, 好重蜜桃味，好饮~临走时见到佢有好多特别味嘅Movenpick, 就另外order了一杯双球雪糕($33), 抵食，蓝莓芝士饼味好似食紧件cake嘅感觉。