凱薈

营业中

休息中

又出咗消费劵，决定带妈妈去食餐好嘅。入到嚟见到有180度嘅落地玻璃望住出边嘅维港景，室内装饰都好靓，新式嘅水晶灯同埋花卉摆设，睇嚟呢度除咗系晚饭好选择，仲系婚宴嘅好场地。入到去饮啖茶先，呢度饮茶有小蜡烛温暖住茶壶，唔怕茶会凉。 之后我哋点咗四个小菜。姜葱脆米啫啫桶蚝$198煲仔上枱，够晒镬气，一打开盖，姜葱香气四溢，急不及待试吓d蚝，肥美嫩滑，鲜味十足，连埋脆米同姜葱一齐食，真系好香，佐白饭一流。金奖宫保虾球$198呢个得奖虾球其貌不扬，脆浆好薄脆，虾球大只，肉质爽滑，宫保酱汁的甜、酸、辣都好平𧗾。伴碟的子姜皮蛋不可错过，皮蛋以炸虾胶包住，口感层次丰富，连同爽嫩微辣子姜一齐食，味道极佳。秘制榄角一口骨$138好惹味，榄角味道好出，但不会死咸，排骨好挂到酱汁，而且排骨肉质松化，食得出是新鲜排骨。家乡豆腐罗汉斋煲$128热辣辣，豆腐劲嫩滑，配料有白菜，冬菇，草菇，雪耳及云耳等，全部好入味，除咗用蚝油，应该仲用咗上汤喂，先会咁好味。总括而言，呢间酒家的环境同服务不错，食物质素佳。下次黎下饮茶食点心先。