影片
更多
2023-07-06
2323 浏览
好多人讲佢嘅午餐，但系晚餐就少啲讲。咁啱寻日食嘅晚餐系佢哋第一日转Menu，侍应仲特登过嚟问咗我哋攞评语添。嘢食嚟讲不过不失，份量都几大份。头盘我哋嗌咗吞拿鱼，吞拿鱼好大旧，口感，个汁都几清新，配埋薯片个口感都几得意。不过个鹌鹑蛋就略嫌有啲唔夹，好似分开两道菜咁。之后面course有猪肉，果汁都系酸甜同猪都几夹，有惊喜嘅系下面啲椰菜花，煮到好淋，同酸甜嘅汁意外地夹。之后到咗Baby Chicken，好贴心咁样切咗四旧俾我哋，每个人都有鸡髀食。鸡嘅外皮烤到恰到好处，有炭烧嘅香味。入边嘅肉都唔会太过鞋，配埋个肉汁就啱啱好。我哋成餐叫咗一个头盘，两个main，再加一个Side 嘅薯条。四个人埋单$1000 ，晚餐嚟讲算系咁。环境方面真系几靓，好似去咗fine dining感，不过食物质素就同普通西餐差唔多。
嘢食嚟讲不过不失，份量都几大份。
头盘我哋嗌咗吞拿鱼，吞拿鱼好大旧，口感，个汁都几清新，配埋薯片个口感都几得意。不过个鹌鹑蛋就略嫌有啲唔夹，好似分开两道菜咁。
之后面course有猪肉，果汁都系酸甜同猪都几夹，有惊喜嘅系下面啲椰菜花，煮到好淋，同酸甜嘅汁意外地夹。
之后到咗Baby Chicken，好贴心咁样切咗四旧俾我哋，每个人都有鸡髀食。鸡嘅外皮烤到恰到好处，有炭烧嘅香味。入边嘅肉都唔会太过鞋，配埋个肉汁就啱啱好。
我哋成餐叫咗一个头盘，两个main，再加一个Side 嘅薯条。四个人埋单$1000 ，晚餐嚟讲算系咁。环境方面真系几靓，好似去咗fine dining感，不过食物质素就同普通西餐差唔多。
张贴
