Rimi Cafe (已結業)

谂住叹个靓景午餐，揾到呢间cafe，无谂过喺旺角正中心，都可以对住靓景食饭。同一幢大厦有其他cafe, 唔好去错。个餐汤系南瓜汤，又香又creamy，饮到一滴都无剩。我叫左三文鱼忌廉什菌天使面。除左上面有芝士外，本身个汁好似都有芝士。可能佢用左一款偏咸嘅芝士，个汁都系偏咸。天使面煮得啱啱好，另外有好多什菌，我好钟意。个三文鱼砌成一朵花，衬埋个靓景，真系可以成为打卡热点。朋友食嘅牛肉饭，都系偏咸，不过就焗得好香。我见佢有另一边有个转角位，个景仲阔，可能要预早订定。