影片
更多
2019-07-30
1400 浏览
老婆大人吹鸡入数码港南坊吃饭原来转咗新师傅！数码港去得多艾美酒店就第一次入嚟！ 入面装饰好骨子楼底又够高好鬼舒适㖞！ 仲有好多酒可以拣不过大家第二日要返工，下次约个酒局先得。
入面装饰好骨子楼底又够高好鬼舒适㖞！
仲有好多酒可以拣不过大家第二日要返工，下次约个酒局先得。
首先有靓到哗哗声嘅南坊三碟！有松化甜丝丝嘅黑天鹅酥入面系白莲蓉嚟唔会好甜，仲有原只鲍鱼金盏而家有牙力食梗系好好享受啦，仲有顶瘾嘅咸蛋皇虾饺咸咸地几趣致！
呢碟系虾球大良炒奶又黑醋珠又金箔咁好鬼西式，但系大良炒奶又好中式㖞，入面仲有大大只又弹牙又鲜味嘅虾球正呀喂！
一人一盅蟹肉冬茸瑶柱羹有鲜味无极限嘅瑶柱同蟹肉，热辣辣饮落去好苏胡啊！
跟住呢味龙虾汤烩大虾嘅龙虾汤好饮到癫咗！加埋只爆羔嘅大虎虾真系唔讲得笑！侧边啲炸姜丝都好味过人，仲有底下嘅陈村粉挂满龙虾汤滑嘟嘟好好好味呀。
老婆大人钟意食辣就点个麻辣水煮星斑片佢叹！望落好似唔系几辣点知食一旧头顶即刻标烟！不过又真系好香好味。
辣到我扎扎跳好彩叫咗碟甜甜嘅紫蕃薯浸菜芯，又淋又香嘅紫蕃薯好解辣㖞。
有黑洞胃嘅我食咗一个半杜小月樱花虾炒饭，炒饭煮得好入味仲有甜口嘅樱花虾好食呀！
甜品系牛奶多士同埋杨枝甘露，牛奶多士加咗爆炸糖食落好得意，杨枝甘露甜得嚟唔漏好香芒果味我钟意呀，新师傅嘅正菜已俘虏咗我地个咀应该好快会返兜。
张贴
